ప్రస్తుతం ప్రపంచాన్ని గడగడలాడిస్తు్న్న కరోనా వైరస్ నుండి ప్రజలు అప్రమత్తంగా ఉండేందుకు కేంద్ర ప్రభుత్వం లాక్డౌన్ విధించిన సంగతి తెలిసిందే.ఈ కారణంగా అనేక మంది ఉపాధి కోల్పోయి అనేక ఇబ్బందులు పడుతున్నారు.
నిరుపేద రోజూవారీ కూలీలు తమ స్వస్థలాలకు వెళ్లేందుకు తీవ్ర ఇబ్బందులు పడుతున్నారు.ప్రభుత్వం వారిని అన్ని విధాలా ఆదుకుంటామని ప్రకటించినా ప్రజల ఇబ్బందులు మాత్రం తగ్గడం లేదు.
ఇక సినీ రంగానికి చెందిన పేద కార్మికులు కూడా లాక్డౌన్ కారణంగా ఉపాధిని కోల్పోయి తీవ్ర ఇబ్బందులు ఎదుర్కొంటున్నారు.ఈ విషయంలో వారికి ఆసరగా నిలిచేందుకు సినీ ఇండస్ట్రీ ప్రముఖులు అందరూ కలిసి ముందుకొచ్చారు.
ఇప్పటికే స్టార్ హీరోలు తమవంతు సాయం చేసేందుకు ముందుకు రాగా, కొందరు క్రేజ్ ఉన్న హీరోలు మాత్రం పత్తా లేకుండా పోయారు.ఇందులో రౌడీ స్టార్ విజయ్ దేవరకొండ కూడా ఉన్నాడు.
ఇప్పటి వరకు తెలుగు సినీ కార్మికుల విషయంలో ఆయన ఎలాంటి విధంగా స్పందిచకపోవడంతో పలువురు ఆగ్రహం వ్యక్తం చేస్తున్నారు.
ఎప్పుడూ ఏదో ఓ విషయంతో వార్తల్లో నిలిచే ఈ హీరో, ఇలాంటి విపత్కర సమయంలో టాలీవుడ్ హీరోలతో కలిసి ముందుకు రాకపోవడం తమను నిరాశకు గురిచేసిందని ఫ్యాన్స్ భావిస్తున్నారు.
మరి ఇప్పటికైనా ఈ హీరో ముందుకు వస్తాడా లేడా అనేది చూడాలి.