టాలీవుడ్‌ యంగ్ క్రేజీ స్టార్ హీరో విజయ్‌ దేవరకొండ నిన్న రెండు మూడు వెబ్‌ సైట్స్‌పై తీవ్ర స్థాయిలో విమర్శలు గుప్పిస్తూ వ్యాఖ్యలు చేసిన విషయం తెల్సిందే.మమ్ములను విమర్శించడమే మీకు పని అయ్యిందా అంటూ తీవ్ర స్థాయిలో మండిపడ్డాడు.
మాపై బతుకుతున్న మీరు మమ్ములను విమర్శించడం ఎంతవరకు కరెక్ట్‌ అంటూ తీవ్ర స్థాయిలో ఆగ్రహంను వ్యక్తం చేస్తూ ఒక వీడియోను సోషల్ మీడియాలో పోస్ట్‌ చేయడం జరిగింది.
విజయ్‌ దేవరకొండ వీడియోకు చాలా మంది మద్దతు తెలిపారు.
నేను నీతో ఉన్నాను అంటూ ఒక హ్యాష్‌ ట్యాగ్‌తో సోషల్ మీడియాలో పలువురు సెలబ్రెటీలు విజయ్‌కు తమ మద్దతును తెలియజేశారు.ఈ సందర్బంగా మెగాస్టార్‌ చిరంజీవి కూడా స్పందించారు.
ట్విట్టర్‌ ద్వారా చిరంజీవి స్పందిస్తూ విజయ్‌ దేవరకొండకు మద్దతు తెలపడమే కాకుండా ఆసక్తికర వ్యాఖ్యలు చేశాడు.
ట్విట్టర్‌లో చిరంజీవి.డియర్‌ విజయ్‌ దేవరకొండ మీ ఆవేదన నేను అర్థం చేసుకోగలను.బాధ్యతలేని రాతల వల్ల నీలాగే నేను మరియు నా కుటుంబ సభ్యులు కూడా బాధపడిన సందర్బాలు చాలానే ఉన్నాయి.
నీకు మద్దతుగా నేను నిలుస్తున్నాను.నీవు చేసిన పనిని తప్పకుండా అభినందించాల్సిందే.
నీవు ఈ సమయంలో చేస్తున్న మంచి పనులు నిజంగా అభినందనీయం అంటూ ప్రశంసలు కురిపించాడు.
తెలుగు వార్త విశేషాలు సులభముగా తెలుసుకోండి!!!!
