స్టార్ దర్శకుడు పూరీ జగన్నాథ్ సినిమా అంటే ఎంత స్పీడ్ గా షూటింగ్ కంప్లీట్ అవుతుందో అందరికి తెలిసిందే.సినిమా మీద చాలా స్పష్టంగా ఉండే పూరీ ప్రీ ప్రొడక్షన్ దశలోనే ఎక్కువగా వేస్ట్ లేకుండా ఎడిటింగ్ వెర్షన్ స్క్రిప్ట్ తో రెడీ అయ్యి షూటింగ్ కి వెళ్ళిపోతాడు.
ఇక తన హీరో మేకోవర్ అంటా షూటింగ్ కి ముందే ఫినిష్ చేసి క్యారెక్టర్ ని కూడా చెప్పేసి లొకేషన్ కి వెళ్ళిపోతారు.దీంతో షూటింగ్ లో ఎక్కువ టేకులు కూడా లేకుండా చాలా స్పీడ్ గా జరిగిపోతుంది.
ఇదిలా ఉంటే ఇస్మార్ట్ శంకర్ తో సూపర్ హిట్ కొట్టిన పూరీ ఇప్పుడు విజయ్ దేవరకొండ తో ఫైటర్ సినిమాని తెరకెక్కిస్తున్నాడు.
చార్మీ, కరణ్ జోహార్ ప్రొడ్యూసర్స్ గా తెరకెక్కుతున్న ఈ సినిమా షూటింగ్ ఇప్పటికే స్టార్ట్ అయిపొయింది.
అయితే తాజా సమాచారం ప్రకారం ఈ సినిమా ఫస్ట్ షెడ్యూల్ కూడా పూర్తయినట్లు టాక్ వినిపిస్తుంది.పది రోజుల పాటు ముంబై పరిసరాలలో ఈ సినిమా ఫస్ట్ షెడ్యూల్ ని దర్శకుడు పూరీ విజయ్ దేవరకొండతో కలిసి ఫినిష్ చేసినట్లు తెలుస్తుంది.
అయితే పూరీ రెగ్యులర్ కమర్షియల్ సినిమాలని ఇంత స్పీడ్ గా చేస్తాడు.అలాంటింది పూరీ కెరియర్ లో మొదటి సారి పాన్ ఇండియా మూవీగా భారీ బడ్జెట్ తో తెరకెక్కుతున్న ఈ సినిమా కూడా అంతే స్పీడ్ గా షూటింగ్ జరుపుకోవడం చూస్తుంటే నాలుగు నుంచి ఆరు నెలల్లో ఈ సినిమా ప్రేక్షకుల ముందుకి వచ్చే అవకాశం ఉందని తెలుస్తుంది.
