సౌత్ ఇండియా స్టార్ హీరోయిన్ నయనతార ప్రేమ కథల గురించి ప్రత్యేకంగా పరిచయం చేయాల్సిన అవసరం లేదు.ఆమె జీవితంలో ఎన్ని లవ్ ఫెయిల్యూర్స్ ఉన్న కూడా వాటిని అధికమించి సౌత్ ఇండియాలో నెంబర్ వన్ హీరోయిన్ గా నయనతార ఎదగడం గొప్ప విషయం అని చెప్పాలి.
కెరియర్ ఆరంభంలో శింబుతో ప్రేమాయణం, తరువాత ప్రభుదేవాతో ప్రేమ, పెళ్లి వరకు వచ్చి బ్రేక్ అప్ అవడం జరిగింది.అయితే ఇప్పుడు ఈ భామ మరల తమిళ ఇండస్ట్రీలో దర్శకుడు విఘ్నేశ్ శివన్ తో పీకల్లోతు ప్రేమలో ఉంది.
ఇక వారు ఎక్కడికి వెళ్ళిన కలిసి వెళ్ళడం, అప్పుడప్పుడు వీకెండ్స్ కి ఎక్కడో ఒక చోటకి వెళ్ళడం చేస్తూ ఉంటారు.వీరి మధ్య ప్రేమ అనేది సౌత్ ఇండస్ట్రీలో అందరికి తెలిసిన బహిరంగ రహస్యం.
ఆ మధ్య ఓ ఆడియో ఫంక్షన్ లో విఘ్నేష్ శివన్ని నయనతార హబ్బీ అని సంబోధించారు.తాజాగా మదర్స్ డే సందర్భంగా విఘ్నేష్ ఓ ఫొటోను సోషల్ మీడియాలో షేర్ చేశారు.
నయనతార చిన్న పిల్లాడిని ఎత్తుకున్న ఫొటో అది.దానికి ఈ విధంగా క్యాప్షన్ చేశారు.భవిష్యత్తులో నా పిల్లలకు తల్లి కాబోయే తనకి మదర్స్ డే శుభాకాంక్షలు అని పేర్కొన్నారు విఘ్నేష్.ఈ ఏడాది చివర్లో ఈ ఇద్దరూ పెళ్లి చేసుకోబోతున్నారనే వార్తలు వినిపిస్తున్నాయి.
ఆ వార్తలకు ఈ కామెంట్ మరింత బలాన్ని చేకూర్చింది.