భారతీయ సినీ నటి విద్యాబాలన్.తన నటనతో మంచి గుర్తింపు తెచ్చుకున్న ఈమె హిందీ, బెంగాలీ, మలయాళ సినిమాలలో కూడా నటించింది.సినిమాల్లో తన పాత్రలు కూడా ఎంతో ఆకట్టుకుంటాయి అంతే కాకుండా బాలీవుడ్ లో స్టార్ హీరోయిన్ గా కూడా గుర్తింపు తెచ్చుకుంది.
2003 బెంగాలీ సినిమా ద్వారా సినీ ప్రవేశం చేయగా ఆ తర్వాత బాలీవుడ్ కు పరిచయమయ్యింది.తొలిసారి నటనలో మంచి పేరు తెచ్చుకున్న విద్య ఆ తర్వాత వరుస ఆఫర్ లతో అవకాశాలు సొంతం చేసుకుంది.అంతే కాకుండా కొన్ని సినిమాలలో అతిథి పాత్ర కూడా చేసింది.
అంతేకాకుండా పద్మశ్రీ పురస్కారం కూడా అందుకుంది.ఇక వెండితెర లోనే కాకుండా బుల్లితెరలో కూడా వాణిజ్య ప్రకటనలో, సీరియల్ లో కూడా నటించింది.
ఇదిలా ఉంటే తాను తన వ్యక్తిగత విషయాల గురించి కొన్ని ఆసక్తికర విషయాలు పంచుకుంది విద్యాబాలన్.
ఇటీవల ఆమె ఓ ఇంటర్వ్యూలో పాల్గొన్నది.ఇక ఆమె తన కొన్ని విషయాలు చెబుతూ.తాను సినిమాయేతర కుటుంబం నుంచి వచ్చినందున తనకు కష్ట సమయంలో ధైర్యం చెప్పే వాళ్ళు లేకపోయారని తెలిపింది.
అంతే కాకుండా తన అధిక బరువు గురించి వస్తున్న వార్తలపై స్పందించగా.తను లావుగా ఉన్న సరే తన శరీరానికి కృతజ్ఞతలు చెప్పాల్సిన అవసరం ఉందని తెలిపింది.
తనకు హార్మోన్ల సమస్య ఉండడంవల్ల తను చాలా లావుగా ఉన్నానని చెప్పుకొచ్చింది.అలా ఉండటమే తనకు బాధకర విషయమని, మొదట్లో చాలా అసహనానికి గురయ్యేదానని దాని వల్ల మరింత చిరాకు పడేదానన్ని తెలిపింది.
ఇక ఆమె సినిమాయేతర కుటుంబం నుండి వచ్చినందున తన అధిక బరువు వల్ల కెరీర్ ముగిసిపోదని ధైర్యం చెప్పే వాళ్ళు కూడా లేక పోయారని చెప్పుకొచ్చింది.ఆ తర్వాత తనంతట తానే ధైర్యం చెప్పుకుంటూ తానే ఆస్వాదిస్తూ తన శరీరాన్ని ప్రేమించడం మొదలు పెట్టిందట.
ఇక తాను బతికి ఉండటానికి కారణం కూడా తన శరీరమేనట.అందుకని తన శరీరానికి కృతజ్ఞతలు తెలుపుతూ కొన్ని విషయాలు పంచుకుంది.
అంతేకాకుండా కెరీర్ ఆరంభంలో కూడా ఎన్నో తిరస్కారాలు ఎదుర్కొంది విద్య.ఇదిలా ఉంటే ప్రస్తుతం ఓ సినిమాలో బిజీగా ఉంది.