పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ వకీల్ సాబ్ వేసవి కానుకగా ఏప్రిల్ 9న ప్రపంచవ్యాప్తంగా రిలీజ్ అవుతున్న సంగతి తెలిసిందే.ఈ సినిమా తరువాత పవన్ దర్శకుడు క్రిష్ డైరెక్షన్‌లో తన నెక్ట్స్ చిత్రంలో నటిస్తున్నాడు.
ఇప్పటికే ఈ సినిమా షూటింగ్ శరవేగంగా జరుగుతోండగా, ఈ సినిమా కోసం యావత్ ప్రేక్షకులు ఎంతో ఆసక్తగా ఎదురుచూస్తున్నారు.ఇక ఈ సినిమాను పూర్తిగా పీరియాడికల్ డ్రామాగా దర్శకుడు క్రిష్ తెరకెక్కిస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు.
అయితే ఈ సినిమాకు సంబంధించిన టీజర్‌ను రిలీజ్ చేసేందుకు చిత్ర యూనిట్ రెడీ అయినట్లు తెలుస్తోంది.ఇప్పటికే దర్శకుడు క్రిష్ ఈ టీజర్‌ను కట్ చేసినట్లు చిత్ర వర్గాల్లో టాక్ వినిపిస్తోంది.
ఇక ఈ టీజర్‌లో పవన్ కళ్యాణ్ అపియరెన్స్ ప్రేక్షకులకు గూస్‌బంప్స్ తెప్పించడం ఖాయమని తెలుస్తోంది.ముఖ్యంగా ఈ సినిమాలో వీరమల్లు పాత్రలో పవన్ పర్ఫార్మెన్స్ ప్రేక్షకులను మెస్మరైజ్ చేయడం ఖాయమని చిత్ర వర్గాలు అంటున్నాయి.
కాగా ఈ సినిమా టీజర్‌లో పవన్ ఓ బాడీ బిల్డర్‌ను పైకెత్తి అతడిని విసిరిపడేస్తాడని, ఈ క్రమంలో ఆయన తొడగొట్టే సీన్ ప్రేక్షకులతో విజిల్స్ వేయించడం ఖాయమని చిత్ర యూనిట్ అంటోంది.
మహాశివరాత్రి కానుకగా వీరమల్లు టీజర్‌ను రిలీజ్ చేసేందుకు చిత్ర యూనిట్ రెడీ అవుతోంది.
బ్రిటిష్ కాలం నాటి కథనంతో ఈ సినిమా రానుండగా, ఇందులో బాలీవుడ్ నటుడు అర్జున్ రాంపాల్ ఓ కీలక పాత్రలో నటిస్తున్నట్లు తెలుస్తోంది.కాగా ఈ సినిమాలో అందాల భామ నిధి అగర్వాల్ హీరోయిన్‌గా నటిస్తున్నట్లు చిత్ర యూనిట్ పేర్కొంది.
ఏఎం రత్నం ప్రొడ్యూస్ చేస్తున్న ఈ సినిమాను వీలైనంత త్వరగా రిలీజ్ చేసేందుకు చిత్ర యూనిట్ ప్లాన్ చేస్తోంది.మరి ఈ టీజర్‌తో పవన్ ఎలాంటి రికార్డులు క్రియేట్ చేస్తాడో చూడాలి.
