మెగా ప్రిన్స్ వరుణ్ తేజ్ ప్రస్తుతం కిరణ్ కొర్రపాటి దర్శకత్వంలో బాక్సింగ్ నేపధ్యంలో ఉన్న కథతో సినిమా చేస్తున్నాడు.ఈ సినిమా షూటింగ్ ప్రస్తుతం జరుగుతుంది.
వరుణ్ తేజ్ కెరియర్ లో సరికొత్త కథాంశంతో ఈ సినిమా తెరకెక్కుతుంది.కంప్లీట్ స్పోర్ట్స్ బ్యాక్ డ్రాప్ లో నడిచే కథతో గతంలో మెగా ఫ్యామిలీ నుంచి పవన్ కళ్యాణ్ సినిమా చేశాడు.
అది కూడా బాక్సింగ్ నేపధ్యంలో చేసి సూపర్ హిట్ కొట్టాడు.ఇప్పుడు బాబాయ్ దారిలోనే బాక్సింగ్ కథాంశంతో హిట్ కొట్టడానికి మెగా ప్రిన్స్ వరుణ్ తేజ్ సిద్ధం అవుతున్నాడు.
ఇక ఈ సినిమాలో హీరోయిన్ గా నభా నటేష్ నటిస్తూ ఉండగా ఓ కీలక పాత్రలో కన్నడ సూపర్ స్టార్ ఉపేంద్ర కనిపించబోతున్నాడు.ఓ విధంగా ఈ సినిమా మల్టీ స్టారర్ సినిమాగా తెరకేక్కుతుందని చెప్పాలి.
ఇక ఉపేంద్ర సినిమాలో నటిస్తూ ఉండగంతో సౌత్ నాలుగు బాషలలో సినిమాని రిలీజ్ చేసే అవకాశం ఉంది.
ఇదిలా ఉంటే ఈ సినిమా నుంచి ఫస్ట్ లుక్, టైటిల్ రిలీజ్ కి చిత్ర యూనిట్ ప్లాన్ చేస్తుంది.వరుణ్ తేజ్ పుట్టినరోజు సందర్భంగా ఈ రోజు బాక్సర్ గా వరుణ్ లుక్ ని రివీల్ చేయడంతో పాటు సినిమా టైటిల్ కూడా కన్ఫర్మ్ చేయబోతున్నారు.ఈ సినిమాలో వరుణ్ తేజ్ పాత్ర పేరు గని అని తెలుస్తుంది.
ఈ నేపధ్యంలో సినిమా టైటిల్ కూడా గనిగానే ఫిక్స్ చేసారని టాక్ నడుస్తుంది.పవన్ కళ్యాణ్ ఫ్లాప్ మూవీ బాలులోని పాత్ర పేరు కూడా గని కావడం, పవన్ కళ్యాణ్ తరహాలోనే బాక్సింగ్ నేపధ్యంలో వరుణ్ సినిమా చేయడం యాదృచ్చికంగా జరిగాయని చెప్పాలి.
తాజా వార్తలు