బుల్లితెరపై కొన్ని సీరియళ్లు సంచలనం సృష్టిస్తూ ప్రేక్షకులను ఆకట్టుకోవడంతో పాటు నిర్మాతలకు కనీవిని ఎరుగని స్థాయిలో లాభాలను అందిస్తున్నాయి.కార్తీకదీపం సీరియల్ గురించి తెలియని ప్రేక్షకులు దాదాపుగా ఉండరు.
బ్లాక్ మేకప్ లో ప్రేమీ విశ్వనాథ్ ఈ సీరియల్ లో అద్భుతంగా నటించి తెలుగు ప్రేక్షకులకు దగ్గరయ్యారు.వంటలక్క పాత్రలో తను తప్ప ఎవరూ నటించలేరనే స్థాయిలో ప్రేమీ విశ్వనాథ్ నటించారు.
ప్రస్తుతం స్టార్ మా ఛానల్ లో ఆ సీరియల్ స్థానంలో బ్రహ్మముడి అనే సీరియల్ ప్రసారం అవుతోంది.అయితే బ్రహ్మముడి సీరియల్ లో హీరోయిన్ రోల్ లో నటిస్తున్న దీపిక రంగరాజు కార్తీకదీపం సీరియల్ లోని వంటలక్క పాత్రకు ఆరేళ్ల క్రితం రిజెక్ట్ చేశానని తెలిపారు.
ఆ సమయంలో ఒక తమిళ సీరియల్ తో నేను బిజీగా ఉండటం వల్ల సీరియల్ ను రిజెక్ట్ చేయాల్సి వచ్చిందని ఆమె చెప్పుకొచ్చారు.
అయితే దీపిక రంగరాజు ఈ సీరియల్ ను రిజెక్ట్ చేసి మంచి పని చేసిందని ప్రేమీ విశ్వనాథ్ కాకుండా ఎవరు నటించి ఉన్నా ఈ సీరియల్ ఈ రేంజ్ లో హిట్ కాదని చెబుతున్నారు.బ్రహ్మముడి సీరియల్ లో కావ్య అనే రోల్ లో ఈ నటి నటిస్తున్నారు.న్యూస్ రీడర్ గా కెరీర్ ను మొదలుపెట్టిన దీపిక ఆ తర్వాత మోడల్ గా మారి సీరియళ్ల ద్వారా అంతకంతకూ ఎదగడం గమనార్హం.
బ్రహ్మముడి సీరియల్ ప్రస్తుతం కార్తీకదీపం స్లాట్ లో ప్రసారం అవుతుండగా ఈ సీరియల్ కూడా రికార్డ్ స్థాయిలో రేటింగ్స్ ను అందుకుంటుందో లేదో చూడాల్సి ఉంది.దీపిక రంగనాథ్ తెలుగు ప్రేక్షకుల్లో పాపులారిటీని పెంచుకుంటూ వరుస ఆఫర్లతో బిజీ కావాలని భావిస్తున్నారు.ప్రేమీ విశ్వనాథ్ స్థాయిలో దీపిక తెలుగులో సక్సెస్ అవుతారో లేదో చూడాల్సి ఉంది.