పవర్ స్టార్ పవన్ కళ్యాణ్ అజ్ఞాతవాసి చిత్రం తరువాత దాదాపు రెండేళ్ల గ్యాప్ తీసుకుని సినిమాల్లో రీఎంట్రీ ఇస్తోన్న సంగతి తెలిసిందే.పవన్ తన 26వ చిత్రంగా ‘వకీల్ సాబ్’ అనే చిత్రాన్ని దర్శకుడు వేణు శ్రీరామ్ డైరెక్షన్లో తెరకెక్కిస్తున్నాడు.
బాలీవుడ్లో సూపర్ సక్సెస్ అయిన ‘పింక్’ చిత్రాన్ని తెలుగులో ‘వకీల్ సాబ్’గా రీమేక్ చేస్తున్నారు చిత్ర యూనిట్.ఇక ఈ సినిమా ఫస్ట్ లుక్ పోస్టర్కు అదిరిపోయే రెస్పాన్స్ రావడంతో ఇప్పుడు చిత్ర యూనిట్ ప్రేక్షకులకు మరో గిఫ్ట్ ఇచ్చేందుకు రెడీ అయ్యింది.
సెప్టెంబర్ 2న పవన్ కళ్యాణ్ పుట్టినరోజును పురస్కరించుకుని వకీల్ సాబ్ చిత్ర ట్రైలర్ను రిలీజ్ చేయాలని చిత్ర యూనిట్ భావిస్తోంది.ప్రస్తుతం నెలకొన్న కరోనా పరిస్థితులు అప్పటివరకు కాస్త తగ్గుముఖం పట్టవచ్చని, దీంతో పవన్ ఫ్యాన్స్ను ఇంతకాలం వెయిట్ చేయిస్తున్న కారణంగా ఈ ట్రైలర్ వారి ఎదురుచూపులకు పర్ఫెక్ట్ గిఫ్టుగా ఉంటుందని చిత్ర యూనిట్ భావించింది.
దీంతో వారు ఈ దిశగా ట్రైలర్ రిలీజ్కు రెడీ అవుతున్నారు.
పవన్ కళ్యాణ్ లాయర్ పాత్రలో నటిస్తున్న ఈ సినిమాలో నివేదా థామస్, అంజలి హీరోయిన్లుగా నటిస్తోండగా, కేమియో పాత్రలో శృతి హాసన్ నటిస్తోందనే వార్త వినిపిస్తుంది.
ఈ సినిమాను స్టార్ ప్రొడ్యూసర్ దిల్ రాజు అత్యంత భారీ బడ్జెట్తో నిర్మిస్తున్న సంగతి తెలిసిందే.ఈ సినిమాను దసరా కానుకగా రిలీజ్ చేయాలని చిత్ర యూనిట్ ప్లాన్ చేస్తోంది.
మరి దసరాకైనా ఈ సినిమా రిలీజ్ అవుతుందో లేదో చూడాలి.