జూలై 4న సంబరాలకి ఏర్పాట్లు, అంతలోనే ‘‘డెల్టా’’ పంజా.. వ్యాక్సిన్ వేయించుకోండి: బైడెన్ విజ్ఞప్తి

ఈ నేపథ్యంలో డెల్టా వేరియెంట్‌ను ప్రపంచ ఆరోగ్య సంస్థ (డబ్ల్యూహెచ్‌వో) ఆందోళనకర రకంగా గుర్తించింది.మరోవైపు దేశంలోని పరిస్ధితులను గమనిస్తోన్న అధ్యక్షుడు జో బైడెన్ అప్రమత్తయ్యారు.డెల్టా వేరియెంట్ సోకకుండా జాగ్రత్తలు తీసుకోవాలని సూచించారు.వైరస్ బారినపడకుండా వుండేందుకు టీకా వేయించుకోవాలని అధ్యక్షుడు విజ్ఞప్తి చేశారు.ఇది వేగంగా వ్యాప్తి చెందడంతో పాటు యువతపై తీవ్ర ప్రభావం చూపుతోందని బైడెన్ ఆందోళన వ్యక్తం చేశారు.మరోవైపు తాను అధికారంలోకి వచ్చిన నాటి నుంచి దేశంలో 300 మిలియన్ల మందికి టీకాలు వేసినట్లు ఆయన వెల్లడించారు.

ప్రస్తుతం అమెరికాలో పరిస్ధితి అదుపులోకి వస్తోందని బైడెన్ పేర్కొన్నారు.

కాగా, అమెరికాలో ఇప్పుడిప్పుడే విమాన ప్రయాణాలు, వాణిజ్య సంస్థలు, బార్లు, రెస్టారెంట్లు, షాపింగ్స్‌ మాల్స్ తెరచుకుంటున్నాయి.

చాలా రాష్ట్రాలు బహిరంగ ప్రదేశాల్లో ఆంక్షలను నెమ్మదిగా తొలగిస్తున్నాయి.ఈ క్రమంలోనే దేశ స్వాతంత్య్ర దినోత్సవమైన జూలై 4న ‘‘ కోవిడ్ విముక్తి వేడుకలు’ నిర్వహించాలని బైడెన్ యంత్రాంగం ఏర్పాట్లు చేస్తోంది.

కోవిడ్‌పై పోరులో ఎంతో శ్రమించిన ప్రజలు, పలు రంగాలకు చెందిన నిపుణులు, సాయుధ బలగాలతో పాటు వారి కుటుంబ సభ్యులకు శ్వేతసౌధంలో ఆతిథ్యం ఇచ్చేందుకు సన్నాహాలు చేస్తున్నారు.ఇలాంటి పరిస్ధితుల్లో డెల్టా వేరియెంట్ విజృంభిస్తుండటంతో ఆ రోజు వేడుకలపై ప్రభావం పడే అవకాశం వుందని నిపుణులు ఆందోళన వ్యక్తం చేస్తున్నారు.