ప్రభాస్ ఫ్యాన్స్‌ను నిరాశపరిచిన UV ప్రకటన

యంగ్ రెబల్ స్టార్ ప్రభాస్ నటిస్తున్న లేటెస్ట్ మూవీ ‘రాధేశ్యామ్’ ఇప్పటికే షూటింగ్ జరుపుకుంటున్న సంగతి తెలిసిందే.ఈ సినిమాతో మరోసారి బాక్సాఫీస్ వద్ద తన సత్తా చాటేందుకు రెడీ అవుతున్నాడు.

 ప్రభాస్ ఫ్యాన్స్‌ను నిరాశపరి-TeluguStop.com

ఈ సినిమాను ‘జిల్’ ఫేం దర్శకుడు రాధాకృష్ణ డైరెక్ట్ చేస్తుండటంతో ఈ సినిమా ఎలా ఉండబోతుందా అనే ఆసక్తి సర్వత్రా నెలకొంది.అయితే ఈ సినిమా షూటింగ్ మొదలై చాలా కాలమే అవుతున్నా, ఈ సినిమాకు సంబంధించి పెద్దగా అప్‌డేట్లు లేకపోవడం గమనార్హం.

దీంతో రాధేశ్యామ్ చిత్ర యూనిట్‌పై ప్రభాస్ ఫ్యాన్స్ ఓ రేంజులో మండిపడుతున్నారు.ఈ క్రమంలో ప్రభాస్ పుట్టినరోజు సందర్భంగా ‘రాధేశ్యామ్’ చిత్రం నుండి ఓ భారీ అప్‌డేట్ ఉండబోతున్నట్లు ఇండస్ట్రీ వర్గాల్లో వార్తలు వినిపించాయి.

అయితే ఈ సినిమా టీజర్‌ను ప్రభాస్ పుట్టినరోజు కానుకగా రిలీజ్ చేస్తారని అందరూ అనుకున్నారు.కానీ ప్రేక్షకుల ఆశలపై నీళ్లు జల్లుతూ ఈ సినిమాకు సంబంధించిన మోషన్ పోస్టర్‌ను మాత్రమే రిలీజ్ చేస్తున్నట్లు చిత్ర నిర్మాతలు యూవీ క్రియేషన్స్ తెలిపారు.

ప్రభాస్ పుట్టినరోజు సందర్భంగా అక్టోబర్ 23న ఈ మోషన్ పోస్టర్‌ను రిలీజ్ చేస్తున్నట్లు చిత్ర యూనిట్ అనౌన్స్ చేసింది.

అయితే టీజర్ వస్తుందని ఆశించిన ప్రేక్షకులు, ఇప్పుడు మోషన్ పోస్టర్‌తో రాధేశ్యామ్ నెట్టుకొస్తుండటంతో మరోసారి నిరాశకు గురయ్యారు.

ఈ సినిమా షూటింగ్ ప్రస్తుతం ఇటలీలో జరుగుతున్న సంగతి తెలిసిందే.ఈ సినిమాను పూర్తి పీరియాడికల్ రొమాంటిక్ ఎంటర్‌టైనర్‌గా దర్శకుడు రాధాకృష్ణ తెరకెక్కిస్తున్నాడు.

ఈ సినిమాలో అందాల భామ పూజా హెగ్డే ‘ప్రేరణ’ అనే పాత్రలో నటిస్తోండగా యూవీ క్రియేషన్స్, గోపీకృష్ణా ఎంటర్‌టైన్‌మెంట్స్ బ్యానర్లు ఈ సినిమాను అత్యంత భారీ బడ్జెట్‌తో ప్రొడ్యూస్ చేస్తున్నాయి.మరి ఈ సిినిమా మోషన్ పోస్టర్‌కు ఎలాంటి రెస్పాన్స్ లభిస్తుందో చూడాలి.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube