ఊబర్ గురించి చెప్పగానే ముందుగా గుర్తుకు వచ్చేది క్యాబ్స్,అలానే ఊబర్ ఈట్స్.క్యాబ్స్ బుక్ చేసుకోవచ్చు,అలానే ఫుడ్ డెలివరీ లో కూడా ఊబర్ ను చాలా మంది వినియోగదారులు ఉపయోగిస్తున్నారు.
అయితే ఇప్పుడు ఉబర్ తన టెక్నాలజీలో అభివృద్ది తీసుకువచ్చి వినియోగదారుల అభిరుచికి తగ్గట్లుగా హెలికాఫ్టర్ సర్వీసులను తీసుకువచ్చింది.అమెరికా లోని మన్హాటన్లో ఈ సేవలను ప్రారంభించిన ఆ సంస్థ, కారు కంటే తక్కువ ఖర్చు కే హెలికాఫ్టర్ రైడ్ ని అందుబాటులో ఉంచడం విశేషం.ఉదహరణకు మన్హాటన్ నుంచి జేకేఎఫ్ ఇంటర్నేషనల్ ఎయిర్ పోర్టుకు ఊబర్ హెలికాప్టర్ 108.98 డాలర్లు వసూలు చేస్తుండగా, అదే ప్రయాణానికి కారు సర్వీస్ అయితే 163.11 డాలర్లు వసూలు చేస్తున్నారట.అంటే కారు ప్రయాణం కంటే హెలికాప్టర్ ప్రయాణమే చౌకగా మారిపోయింది.
దీనితో జనాలు ఇప్పుడు కారు సర్వీస్ కు బదులుగా హెలికాఫ్టర్ సర్వీస్ నే ఉపయోగించుకొనే పరిస్థితి నెలకొనింది అన్నమాట.
ఇక, సాధారణ హెలికాప్టర్ 200 నుంచి 225 డాలర్లు చార్జ్ చేస్తారు.అలా చూసుకుంటే దాదాపు సగానికి సగం వినియోగదారులకు డిస్కౌంట్ లభించడం తో ఊబర్ రైడ్ కె మొగ్గు చూపుతున్నారు.అయితే, హెలికాప్టర్ సర్వీసు చార్జి కూడా దూరం, సమయం, రద్దీ, డిమాండ్ను బట్టి ఉంటుందని ఉబర్ కూడా చెబుతోంది.
అంటే దీనిని బట్టి ఆ సమయం,పరిస్థితుల ను బట్టి దాని రైడ్ కూడా పెరగొచ్చు లేదంటే తగ్గొచ్చు అన్న మాట.