గత ఏడాది లాక్ డౌన్ కారణంగా షూటింగ్ లు నిలిచి పోయాయి.దాదాపు రెండున్నర నెలల పాటు షూటింగ్ లకు పూర్తిగా బ్రేక్ పడింది.
షూటింగ్ లు నిలిచి పోయిన రెండు వారాల్లోనే సీరియల్స్ మరియు రియాల్టీ షో లు కామెడీ షో లు ఇలా అన్ని కూడా ఎపిసోడ్స్ షూటింగ్ చేసినవి లేక పోవడంతో పాత ఎపిసోడ్ లను పునః ప్రారంభించారు.ఆ సమయంలో కొత్త సీరియల్స్ లేక పాత ఎపిసోడ్ లతోనే ప్రేక్షకులు పిచ్చెక్కి పోయారు.
ఆ సమయంలో చాలా మంది ఓటీటీని ఆశ్రయించారు.ఓటీటీకి కూడా కొత్త కంటెంట్ లేక పోవడంతో పాత వీడియోలనే చూడాల్సి వచ్చింది.
కాని ఈసారి మాత్రం ఆ పరిస్థితి కనిపించడం లేదు.లాక్ డౌన్ కొనసాగుతున్నా కూడా షూటింగ్ లు జరుగుతున్నట్లుగా ఉన్నాయి.
అందుకే ఏ ఒక్క సీరియల్ కాని ఏ ఒక్క షో కాని ఆగి పోలేదు.షూటింగ్ లు జరిపేందుకు అనుమతులు లేవు.
అయినా కూడా ఎలా జరుగుతున్నాయంటూ కొందరు ప్రశ్నిస్తున్నారు.
సినిమాల షూటింగ్ లు అయితే నిలిచి పోయాయి కాని బుల్లి తెరకు సంబంధించిన షో లు మరియు సీరియల్స్ మాత్రం షూటింగ్ లు కొనసాగుతున్నాయి.
దీంతో పాటు కొన్ని షో లకు సంబంధించిన షూటింగ్ లు ఇప్పటికే కొన్ని జరిగాయి.వాటినే టెలికాస్ట్ చేస్తున్నామని అంటున్నారు.లాక్ డౌన్ లో కొంత వెసులుబాటు ఉన్న కారణంగా షూటింగ్ ను జరుపుతున్నారు అంటూ కొందరు చెబుతున్నారు.ఉదయం ఆరు నుండి 10 గంటల వరకు సమయం ఉన్న కారణంగా ఆ సమయంలో స్టూడియోలోకు వెళ్తున్నారు.
అక్కడ షూటింగ్ ను కంటిన్యూస్ గా జరిపి తర్వాత రోజు బయటకు వెళ్తున్నారట.అలా షూటింగ్ ను లాక్ డౌన్ సమయంలోనూ బుల్లి తెర వర్గాల వారు షూటింగ్స్ నిర్వహిస్తున్నారు.