తెలంగాణలో పెద్ద ఎత్తున పరిశ్రమలు ఏర్పాటు కాబోతున్నట్లుగా మంత్రి కేటీఆర్ ప్రకటించాడు.తెలంగాణలో ఉన్న వాణిజ్య అనుకూలతల కారణంగా పెద్ద పెద్ద కంపెనీలు మరియు ఫ్యాక్టరీలను తెలంగాణలో ఏర్పాటు చేసేందుకు వ్యాపారస్తులు ఆసక్తిగా ఉన్నట్లుగా కేటీఆర్ తాజాగా జరిగిన ఒక సమావేశంలో చెప్పుకొచ్చారు.
ఆయన మాట్లాడుతూ ప్రస్తుతం హైదరాబాద్ ఒక వాణిజ్య జోన్గా మారుతున్నట్లుగా పేర్కొన్నాడు.పరిశ్రమల ఏర్పాటుకు హైదరాబాద్ను మించిన మంచి ప్రాంతం లేదంటూ ఆయన పేర్కొన్నాడు.
ప్రస్తుతం ఉన్న పరిశ్రమలతో పాటు త్వరలోనే ఓఆర్ఆర్ చుట్టు భారీ పరిశ్రమలను ఏర్పాటు చేసేందుకు ప్రయత్నాలు జరుగుతున్నట్లుగా ఈ సందర్బంగా కేసీఆర్ అన్నారు.పరిశ్రమలు భారీ ఎత్తున పడటం వల్ల నిరుద్యోగులకు డైరెక్ట్గా ఇండైరెక్ట్గా ఉద్యోగాలు లభిస్తాయంటూ ఆయన అభిప్రాయం వ్యక్తం చేశాడు.
పరిశ్రమలతో తెలంగాణ అభివృద్ది పథంలో దూసుకు పోతుందనే నమ్మకంను ఆయన వ్యక్తం చేశారు.తెలంగాణలో జరుగుతున్న అభివృద్దికి సాక్ష్యం ఎన్నికల ఫలితాలు అంటూ టీఆర్ఎస్ పార్టీ కార్యకర్తలు ఆనందంగా చెబుతున్నారు.