యంగ్ టైగర్ ఎన్టీఆర్ ప్రస్తుతం ఆరఆర్ఆర్ చిత్రంలో నటిస్తూ బిజీగా ఉన్న విషయం అందరికీ తెలిసిందే.ఈ సినిమాలో తారక్ కొమురం భీం పాత్రలో నటిస్తున్నాడు.
ఈ పాత్రకు సంబంధించిన ఫస్ట్ లుక్ ఎప్పుడు వస్తుందా అని అందరూ ఆసక్తిగా ఎదురుచూస్తున్నారు.కాగా ఈ సినిమా రిలీజ్ కాకముందే తారక్ తన నెక్ట్స్ మూవీని మాటల మాంత్రికుడు త్రివిక్రమ్ డైరెక్షన్లో తెరకెక్కించేందుకు రెడీ అవుతున్నాడు.
ఇప్పటికే ఈ సినిమాను లాంఛ్ చేసిన తారక్, త్వరలో ఈ సినిమా రెగ్యులర్ షూటింగ్ను ప్రారంభించనున్నాడు.ఇక తారక్తో గతంలో అరవింద సమేత వీర రాఘవ చిత్రాన్ని తెరకెక్కించిన త్రివిక్రమ్, ఆ సినిమాలో కామెడీని పూర్తిగా పక్కనబెట్టాడు.
కేవలం సీరియస్ మూవీగా వచ్చిన అరవింద సమేత బాక్సాఫీస్ వద్ద సూపర్ సక్సెస్ అందుకుంది.ఇక ఇప్పుడు తారక్ కెరీర్లో 30వ చిత్రంగా రానున్న సినిమాలో పూర్తి స్థాయి కామెడీని త్రివిక్రమ్ అందించనున్నాడు.
ఇక ఈ సినిమాకు అయినను పోయి రావలె హస్థినకు అనే టైటిల్ను పెట్టాలని చిత్ర యూనిట్ భావిస్తోంది.ఈ సినిమాలో హీరోయిన్లుగా పూజా హెగ్డే, రష్మిక మందన్నలను తీసుకోవాలని చిత్ర యూనిట్ భావిస్తోంది.
ఈ చిత్రాన్ని హారికా అండ్ హాసిని క్రియేషన్స్ రాధాకృష్ణ, నందమూరి కళ్యాణ్ రామ్ సంయుక్తంగా ప్రొడ్యూస్ చేయనున్నారు.మరి ఈ సినిమాలో త్రివిక్రమ్ ఎలాంటి కామెడీతో నవ్విస్తాడో చూడాలి.