మనకు తాబేలు కథ తెలుసు.అది ఎంత నెమ్మదిగా నడుస్తుంది అనేది కూడా తెలుసు.
ఇంకా అలాంటి తాబేలు కధే ప్రస్తుతం సోషల్ మీడియాలో వైరల్ అవుతుంది.ఏంటి అనుకుంటున్నారా? అక్కడికే వస్తున్న.అమెరికాలోని టెన్నెస్సీ రాష్ట్రంలోని యాష్లాండ్ సిటీకి చెందిన లిన్ కోల్ అనే ఓ మహిళ ఓ తాబేలును పెంచుకుంటుంది.
అయితే ఏమైందో.
ఎలా తప్పించుకుందో తెలియదు కానీ 15 ఏళ్ల ఆ తాబేలు రెండు నెలల క్రితం తప్పిపోయింది.దీంతో ఆ తాబేలు యజమాని దాని కోసం వెతకని చోటు లేదు.
ప్రతి చోటా పోస్టర్ వేసి తాబేలు కోసం వెతకడం ప్రారంభించింది.ఎన్ని రోజులు వెతికిన ఆ తాబేలు కనిపించకుండా పోవడంతో ఇకపై అది దొరకదు అని వారు ఫిక్స్ అయ్యారు.
అయితే ఇంతలోనే ఆ తాబేలు ఓ వ్యక్తికి కనిపించింది.దానికి సంబందించిన పోస్టర్ కూడా అతను చూశాడు.ఇంకేముంది ఆమెకు ఫోన్ చేసి ఇంటికి వెళ్లి తాబేలును ఆమె కు అప్పజెప్పాడు.ఆమె ఆనందానికి అవధులు లేకుండా పోయింది.ఇక్కడ మరో విషయం ఏంటంటే.68 కిలోలు ఉన్న ఓ తాబేలు 74 రోజులు పాటు కనిపించకుండా పోయింది.కానీ అది కేవలం ఒక మైలు దూరం మాత్రం కూడా పరుగెత్తలేకపోయింది.ప్రస్తుతం ఈ విషయం సోషల్ మీడియాలో వైరల్ అవుతుంది.