ఒకప్పటి టాప్ యాంకర్ అనితా చౌదరి అంటే తెలియని వారుండరు.ఒకవైపు యాంకర్ గా చేస్తూనే సీరియల్స్ లో, సినిమాల్లో నటించి అనితా చౌదరి మంచి గుర్తింపు తెచ్చుకున్నారు.
ఛత్రపతి సినిమాలో సూరీడు తల్లి పాత్రలో నటించినా, సంతోషం సినిమాలో నాగార్జున సిస్టర్ పాత్రలో నటించినా ప్రతి పాత్రతో అనితా చౌదరి గుర్తింపు తెచ్చుకున్నారు.అమృతం, నాన్న సీరియళ్లు కూడా ఈమెకు మంచి పేరు తెచ్చిపెట్టాయి.
కొంతకాలం సినిమాలకు, సీరియళ్లకు దూరంగా ఉన్న అనితా చౌదరి ఉయ్యాల జంపాల సినిమాతో సెకండ్ ఇన్నింగ్స్ ప్రారంభించారు.ఈటీవీ ఛానెల్ లో కస్తూరి సీరియల్ తో నటిగా ప్రస్థానం ప్రారంభించిన అనితా చౌదరి దాదాపు ఏడు సంవత్సరాల పాటు లీడ్ రోల్ లో నటించి ఆ సీరియల్ కు ఉత్తమ నటి అవార్డును అందుకున్నారు.
డ్యాన్సర్ గా మంచి పేరు తెచ్చుకోవాలని ఇండస్ట్రీలోకి అడుగు పెట్టిన అనితా చౌదరి అనుకోకుండా యాంకర్ గా, నటిగా మారారు.
రుతురాగాలు సీరియల్ కూడా సూపర్ హిట్ అయింది.
ఈవీవీ సత్యనారాయణ గారి దర్శకత్వంలో తెరకెక్కిన తాళి సినిమాలో మొదట అనితా చౌదరికే హీరోయిన్ గా అవకాశం దక్కింది.అయితే రాజమండ్రిలో ఆరు నెలల పాటు షూటింగ్ అని చెప్పడంతో ఆమె అందుకు అంగీకరించలేదు.50కు పైగా సినిమాల్లో నటించిన అనితా చౌదరి ఎన్నారైను పెళ్లి చేసుకుంది.ఈమెకు ఒక కొడుకు.
ఇప్పటికీ నటనకు ప్రాధాన్యత ఉన్న పాత్రల్లోనే నటిస్తూ అనితా చౌదరి మంచి పేరు సంపాదించుకుంది.