కొన్ని సంఘటనలు చాలా అరుదుగా జరుగుతూ ఉంటాయి.శరీరంగా అసంకల్పిత మార్పులు జరిగిన విషయం చాలా సంవత్సరాలు పాటు తెలియకుండా జరుగుతుంది.
అయితే ఇలాంటి మార్పులు గురించి తెలిసినపుడు వారితో పాటు సమాజం కూడా ఆశ్చర్యపోతుంది.చాలా అరుదుగా జరిగే అలాంటి సంఘటనలని మనం అప్పుడప్పుడు చూస్తూ ఉంటాం అలాంటి సంఘటన చైనాలో ఓ వ్యక్తికి ఎదురైంది.
అతని గురించి బయటకి వచ్చిన వార్తకి సమాజం కూడా ఆశ్చర్యపోతుంది. చైనాకు చెందిన ఝాంగ్ బిన్‌షెంగ్ కి ఊపిరి తీసుకోవడం కూడా కష్టంగా ఉండేది.
మూడు నెలలుగా ఈ పరిస్థితి మరింత తీవ్రం కావడంతో భయపడిపోయాడు. ముందు ఏదో శ్వాస సంబంధ సమస్య అనుకున్నాడు.
కానీ ఎందుకైన మంచిది అని హాస్పిటల్ కి వెళ్ళాడు.</br>
ముక్కులోంచి ఏదో కుళ్లిపోయిన వాసన వస్తోందని, ఊపిరి అందడం లేదని డాక్టర్ లకి చెప్పాడు.
ఝాంగ్ ఎక్స్‌రే తీయించుకున్నాడు.అది చూసిన డాక్టర్లు షాకయ్యారు.
దానికి కారణం అతని ముక్కులో ఓ పన్ను పెరుగుతోంది.ఇలా జరగడం చాలా అరుదని డాక్టర్లు చెప్పారు.
ఝాంగ్ పదేళ్ల వయసులో కిందపడినప్పుడు విరిగిన పన్ను అతని ముక్కులో చేరి పెరగడం ప్రారంభించిందని తేల్చారు. చివరికి డాక్టర్లు అరగంట కష్టపడి ఆ పన్నును తొలగించారు.
దాని పొడవు ఒక సెంటీమీటరు వరకూ ఉందని తెలిపారు.
