' పట్నం 'కే కేసీఆర్ పట్టం ! రేపే మంత్రిగా ప్రమాణ స్వీకారం 

బీఆర్ఎస్ అధినేత, తెలంగాణ సీఎం కేసీఆర్ ( CM kcr )ఈ మధ్యకాలంలో అన్ని ఆకస్మిక నిర్ణయాలు తీసుకుంటున్నారు.ఇప్పటికే బిఆర్ఎస్ తరఫున వచ్చే అసెంబ్లీకి పోటీ చేసే అభ్యర్థుల జాబితాను ప్రకటించి అన్ని పార్టీలకు షాక్ ఇచ్చారు.

115 స్థానాలకు అభ్యర్థులను ఖరారు చేశారు.మిగిలిన వాటికి మరికొన్ని రోజుల్లో ముహూర్తాన్ని నిర్ణయించారు.

ఇక పూర్తిగా ఎన్నికల మూడ్ లోకి వెళ్లిపోయిన కేసీఆర్, వచ్చే ఎన్నికల్లో గెలుపు కోసం అన్ని రకాలుగా ప్రయత్నాలు చేస్తున్నారు.అయితే ఆకస్మాత్తుగా తెలంగాణ క్యాబినెట్ విస్తరణకు నిర్ణయం తీసుకున్నారు.

ఈ క్యాబినెట్ లో కొత్తగా పట్నం మహేందర్ రెడ్డి కి అవకాశం కల్పించాలని నిర్ణయించుకున్నారు.రేపు ఉదయం 11:30 గంటలకు తెలంగాణ క్యాబినెట్ విస్తరణ జరగనుంది.వెంటనే పట్నం మహేందర్ రెడ్డి( Patnam Mahender Reddy ) ప్రమాణ స్వీకారం చేయనున్నారు.

ఆర్థిక శాఖ మంత్రిగా గతంలో ఈటెల రాజేందర్ పనిచేశారు.