ఇండస్ట్రీలో రెండు మూడు సినిమాలు చేసిన దర్శకులు ఆపై అవకాశాలు రాకపోవడంతో అవకాశాల కోసం ఎదురు చూస్తున్నారు.ప్రతిభ ఉన్న కూడా వారిపై నమ్మకంను ఉంచేందుకు నిర్మాతలు సిద్దంగా లేరు.
అందుకే వారికి ఆఫర్లు ఇచ్చేందుకు ఎవరు రావడం లేదు.ఇలాంటి సమయంలో వారికి ఓటీటీ ప్లాట్ ఫామ్ అదృష్టంను తెచ్చి పెట్టింది.
ఎంతో మందికి ప్రస్తుతం ఓటీటీ ఆఫర్లు తెచ్చి పెడుతోంది.కాస్త క్రేజ్ ఉన్న దర్శకులను వెబ్ సిరీస్ల కోసం రంగంలోకి దించుతున్నారు.
ప్రముఖ నిర్మాతలు వెబ్ సిరీస్ల నిర్మాణంలో అడుగు పెడుతున్నారు.వారు ఇప్పుడు గుర్తింపు ఉన్న దర్శకుల వెంట పడుతున్నారు.వారికి భారీ పారితోషికాలు ఇచ్చి మరీ వెబ్సిరీస్లను తెరకెక్కిస్తున్నారు.మొత్తానికి ప్రముఖ నిర్మాతలు వెబ్ సిరీస్ల కోసం రంగంలోకి దిగడంతో ఆ ఫ్లాప్ డైరెక్టర్స్ అంతా కూడా బిజీ అవ్వబోతున్నారు.
ఇప్పటి వరకు వెబ్ సిరీస్లు అంటే చిన్న చూపు చూసిన వారు కాస్త ఇప్పుడు వాటి నిర్మాణంలోకి అడుగు పెడుతున్నారు.అందుకే దర్శకులకు వరుస ఆఫర్లు వస్తున్నాయి.
కేవలం ఫ్లాప్ దర్శకులు మాత్రమే కాకుండా క్రిష్ వంటి స్టార్ దర్శకులు కూడా వెబ్ సిరీస్లపై మోజు పడుతున్నారు.ఆహా కోసం అనీల్ రావిపూడి ఒక వెబ్ సిరీస్ చేయబోతున్నాడట.ఇంకా పలువురు దర్శకుల నుండి భవిష్యత్తులో వెబ్ సిరీస్లు వరుసగా వచ్చే అవకాశం ఉంది.