టాలీవుడ్ స్టార్స్ గత 5 సినిమాల గ్రాస్ కలెక్షన్లు ఎంతో తెలిస్తే షాకవ్వాల్సిందే?

టాలీవుడ్ హీరోలలో చాలామంది హీరోలకు ఇప్పుడు పాన్ ఇండియా హీరోలుగా గుర్తింపు ఉంది.

ప్రభాస్, జూనియర్ ఎన్టీఆర్, రామ్ చరణ్, అల్లు అర్జున్ సినిమాల కోసం తెలుగు రాష్ట్రాల ప్రేక్షకులు ఏ స్థాయిలో ఎదురుచూస్తున్నారో ఇతర రాష్ట్రాల ప్రేక్షకులు సైతం అదే స్థాయిలో ఎదురుచూస్తున్నారు.

ఈ స్టార్ హీరోల సినిమాలు కూడా పాన్ ఇండియా సినిమాలుగా అత్యంత భారీ బడ్జెట్ తో తెరకెక్కుతుండటం గమనార్హం.టాలీవుడ్ స్టార్ హీరోల గత 5 సినిమాల గ్రాస్ కలెక్షన్లను పరిశీలిస్తే ఈ జాబితాలో ప్రభాస్ ముందువరసలో ఉంటారు.

ప్రభాస్ గత 5 సినిమాల కలెక్షన్లు ఏకంగా 3143 కోట్ల రూపాయలు కావడం గమనార్హం.యంగ్ టైగర్ జూనియర్ ఎన్టీఆర్ విషయానికి వస్తే ఈ స్టార్ హీరో గత 5 సినిమాల కలెక్షన్లు ఏకంగా 1691 కోట్ల రూపాయలు కాగా మరో స్టార్ రామ్ చరణ్ గత5 సినిమాల గ్రాస్ కలెక్షన్లు 1576 కోట్ల రూపాయలుగా ఉంది.

ఐకాన్ స్టార్ అల్లు అర్జున్ గత 5 సినిమాల గ్రాస్ కలెక్షన్లు 954 కోట్ల రూపాయలు కాగా మహేష్ బాబు గడిచిన 5 సినిమాల గ్రాస్ కలెక్షన్లు 867 కోట్ల రూపాయలుగా ఉన్నాయి.ఇతర స్టార్ హీరోల విషయానికి వస్తే యశ్ గత 5 సినిమాల గ్రాస్ కలెక్షన్లు 1628 కోట్ల రూపాయలు కాగా రజనీకాంత్ గత 5 సినిమాల గ్రాస్ కలెక్షన్లు 1457 కోట్ల రూపాయలుగా ఉండగా విజయ్ లాస్ట్ 5 సినిమాల గ్రాస్ కలెక్షన్లు 1289 కోట్ల రూపాయలుగా ఉంది.కోలీవుడ్ స్టార్ హీరో అజిత్ గత 5 సినిమాల గ్రాస్ కలెక్షన్లు 911 కోట్ల రూపాయలుగా ఉన్నాయి.

టాలీవుడ్ స్టార్ హీరోల మార్కెట్ ఏ స్థాయిలో పెరిగిందో ఈ సినిమాల కలెక్షన్లు ప్రూవ్ చేస్తున్నాయి.టాలీవుడ్ స్టార్స్ తర్వాత ప్రాజెక్ట్ లతో కూడా రికార్డులు క్రియేట్ చేయడంతో 5000 కోట్ల రూపాయల స్థాయికి మార్కెట్ ను పెంచుకోవాలని ఫ్యాన్స్ భావిస్తున్నారు.