ఏ రంగంలోనైనా ఉన్నత స్థాయికి చేరాలంటే ఇబ్బందులు తప్పవు.వాటిని సమర్థవంతంగా ఎదుర్కొంటేనే అనుకున్న గమ్యానికి చేరుతారు.
సేమ్ ఇలాగే.సినిమాల్లోకి వచ్చేందుకు నానా ఇబ్బందులు పడి.వచ్చిన అవకాశాన్ని వాడుకుని.మంచి స్థాయికి చేరిన నటుల గురించి ఇప్పుడు తెలుసుకుందాం!
నాని:
నేచురల్ స్టార్ గా గుర్తిపు పొందిన నాని.తన జీవితంలో ఎన్నో ఇబ్బందులు పడ్డాడు.రాధా గోపాళం సినిమాకు అసిస్టెంట డైరెక్టర్ గా పనిచేశాడు.
తర్వాత రేడియో జాకీగా మారాడు.అనంతరం అష్టాచెమ్మా సినిమాలో అవకాశం దక్కించుకున్నాడు.అప్పటి నుంచి అనేక హిట్ సినిమాల్లో నటించాడు.
విజయ్ దేవరకొండ:
ఇతడు కూడా సినిమా ఇండస్ట్రీకి వచ్చే క్రమంలో అనేక సవాళ్లు ఎదుర్కొన్నాడు.ఆయన తండ్రి గోవర్థన్ సినిమా అవకాశాల కోసం మహబూబ్నగర్ నుంచి హైదరాబాద్ కు వచ్చాడు.టీవీ డైరెక్టర్ అయ్యాడు.
తన తండ్రిలాగే సినిమాలపై ఇష్టం పెంచుకున్నాడు.మొదట్లో పలు డ్రామాల్లో నటించాడు.
ఆ తర్వాత నువ్విలా, లైఫ్ ఈజ్ బ్యూటీఫుల్ సినిమాల్లో నటించాడు.ఎవడే సుబ్రమణ్యం, పెళ్లి చూపులు, అర్జున్ రెడ్డి సినిమాలతో స్టార్ హీరో అయ్యాడు.
ఎల్వీ ప్రసాద్:
సినిమా అవకాశాల కోసం 100 రూపాయలతో ముంబై వెళ్లాడు.అక్కడ ఓ సినిమా కంపెనీలో చేరాడు.కొద్ది రోజులు సినిమాల్లో నటించాక.కమర్ అల్ జమన్ అనే సినిమాకు అసిస్టెంట్ డైరెక్టర్ గా చేశాడు.ఆ తర్వాత మంచి అవకాశాలతో అంచెలంచెలుగా ఎదిగాడు.
చిరంజీవి:
ఇండస్ట్రీలో ఎవరి సహాయం లేకుండా అడుగుపెట్టి మెగాస్టార్గా ఎదిగాడు చిరంజీవి. పునాది రాళ్లు సినిమాతో తెరంగేట్రం చేసిన ఆయన ఖైదీ సినిమాతో మంచి గుర్తింపు తెచ్చుకున్నాడు.ఆ తర్వాత స్టార్ హీరో అయ్యాడు.
శ్రీహరి:
హైదరాబాద్ బాలానగర్లో పుట్టిపెరిగాడు శ్రీహరి.మొదట్లో ఈయన స్టంట్ మెన్.ఎస్ఐ జాబ్ వచ్చినా వదిలిపెట్టాడు.మొదట్లో విలన్గా చేసిన ఆయన.తర్వాత హీరోగా ఎదిగాడు.
ఆర్ నారాయణ మూర్తి:
విప్లవ భావాల దర్శక నటుడు నారాయణమూర్తి.ఈయన తండ్రి రైతు.అందువల్లే ఆ సమస్యలపై ఎక్కువ దృష్టి పెట్టారు.దాసరి నారాయణ రావు సినిమాల్లో నటించాడు.అర్థరాత్రి స్వాతంత్ర్యం సినిమాను తెరకెక్కించి సక్సెస్ అయ్యాడు.
ఏఎన్నార్:
చిన్నతనంలో ఆయన కుటుంబం ఆర్థిక సమస్యల్లో ఉండేది.అందువల్లే పెద్దగా చదువుకోలేదు.స్టేజి నటుడిగా మంచి గుర్తింపు తెచ్చుకున్నాడు.ధర్మపత్ని అనే సినిమాలో సైడ్ క్యారెక్టర్ చేశాడు.ఆ తర్వాత హీరోగా మారి సక్సెస్ అయ్యాడు.
రవితేజ:
అమితాబ్ను చూసి తానూ హీరో కావాలనుకున్నాడు రవితేజ.మొదట్లో సపోర్టింగ్ రోల్స్ చేసిన ఆయన తర్వాత సైడ్ హీరోగా చేశాడు.అనంతరం ఇట్లు శ్రావణి సుబ్రహ్మణ్యం, ఇడియట్, ఔను, వాళ్లిద్దరూ ఇష్టపడ్డారు, అమ్మా నాన్న ఓ తమిళ అమ్మాయి లాంటి వరుస హిట్ సినిమాల్లో నటించి సూపర్ స్టార్ అయ్యాడు.
మోహన్ బాబు:
మొదట్లో కాలేజీలో ఫిజికల్ ట్రెయినింగ్ ఇన్ స్ట్రక్టర్గా పనిచేశాడు.ఆ ఉద్యోగం మానేసి సినిమాల్లోకి వచ్చాడు.పలు సినిమాల్లో సపోర్టింగ్ రోల్స్ చేశాడు.మొదట్లో విలన్ గా నటించి.హీరో క్యారెక్టర్లలో ప్రేక్షకుల ఆదరణ పొందాడు.