తెలుగులో ప్రస్తుతం ప్రముఖ దర్శకుడు శ్రీరామ్ వేణు టాలీవుడ్ పవర్ స్టార్ పవన్ కళ్యాణ్ హీరోగా నటిస్తున్నటువంటి “వకీల్ సాబ్” అనే చిత్రానికి దర్శకత్వం వహిస్తున్న సంగతి అందరికి తెలిసిందే.అయితే ఈ చిత్రానికి సంబంధించి దాదాపుగా చిత్రీకరణ పనులు పూర్తయినప్పటికీ ఇప్పటివరకు చిత్ర యూనిట్ సభ్యులు ఈ చిత్రంలో పవన్ కళ్యాణ్ సరసన నటించే హీరోయిన్ ఎవరనేది మాత్రం సరైన స్పష్టత ఇవ్వడం లేదు.
దీంతో గత కొద్ది కాలంగా ఈ చిత్రంలో పవన్ కళ్యాణ్ కి జోడి గా టాలీవుడ్ స్టార్ హీరోయిన్ శృతిహాసన్ నటిస్తున్నట్లు వార్తలు సోషల్ మీడియా మాధ్యమాలలో బలంగా వినిపిస్తున్నాయి.
తాజాగా ఈ విషయంపై హీరోయిన్ శృతి హాసన్ స్పందించింది.
ఇందులో భాగంగా తాను వకీల్ సాబ్ చిత్రంలో నటిస్తున్నట్లు స్పష్టం చేసింది.దీంతో కొంతమేర పవన్ కళ్యాణ్ అభిమానులకు ఈ విషయం ఊరట కలిగించింది.
అంతేగాక తాను ప్రస్తుతం సినిమాలపై దృష్టి పెట్టానని తన పాత్రకు ప్రాధాన్యత ఉండేటువంటి కథలు నచ్చితే కచ్చితంగా మరిన్ని సినిమాలు చేస్తానని కూడా తెలిపింది.
ఈ విషయం ఇలా ఉండగా ప్రస్తుతం శృతి హాసన్ తెలుగులో ప్రముఖ దర్శకుడు గోపీచంద్ మలినేని దర్శకత్వం వహిస్తున్న క్రాక్ చిత్రంలో టాలీవుడ్ మాస్ మహారాజ్ రవితేజ సరసన హీరోయిన్ గా నటిస్తోంది.
ఇప్పటికే ఈ చిత్రానికి సంబంధించి ట్రైలర్ ని కూడా విడుదల చేయగా మంచి ప్రేక్షకాదరణ పొందింది.