రాత్రి 12 అవుతుంది, నిద్రేమో పట్టదు.పోని 7-8 గంటల నిద్ర కవర్ చేసేలా ఆలస్యంగా లేద్దామా అంటే కుదరదు.
పొద్దున్నే లేచి ఆఫీసుకో, కాలేజికో వెళ్ళాల్సిందే.నిద్ర పట్టదు, కనుల కింద వలయాలు, డిప్రెషన్, ఆరోగ్య సమస్యలు .ఒకటి రెండేంటి .నిద్రలేమి వలన రాని సమస్యే లేదు.మరి ఈ నిద్రలేమి ఎలా దూరం చేసుకోవాలి? సుఖమైన, నిండైన నిద్ర ఎలా పొందాలి ? ఇవిగో చిట్కాలు.
* పడుకునే ముందు స్నానం చేసుకోవడం అలవాటు చేసుకోండి.
రోజంతా పడ్డ టెన్షన్, స్ట్రెస్ అంతా ఒక్క దెబ్బతో వెళ్ళిపోయి నిద్రపడుతుంది.
* లైట్ మ్యూజిక్ వినండి.
మీకిష్టమైన సంగీతం.రాక్ మ్యూజిక్ కి ఎంత దూరంగా ఉంటే అంత మంచిది.
మెలోడి మాయలో, అలా అలా నిద్రలోకి జారుకుంటారు.
* బెడ్ రూమ్ లో టీవీ , కంప్యూటర్ లాంటివి పెట్టుకోవద్దు.
మన నిద్రను చెడగొట్టేవే అవి.
* 20 డిగ్రీల కంటే ఎక్కువ టెంపరేచర్ మీ గదిలో ఉంటే, నిద్ర కష్టంగానే పడుతుంది.ఏసి వాడతారో, ఫ్యాన్ తో సరిపెడతారో, లేక మీ రూమ్ లో వేడి లేకుండా ఏవైనా జాగ్రత్తలు తీసుకుంటారో మీ ఇష్టం.
* రోజంతా ఏం జరిగింది అనే అలోచనలు నెమరు వేయడం మానెయ్యండి.
* వదులుగా ఉండే బట్టలు తొడుక్కోని నిద్రపోవాలి.అసలు బట్టలే లేకుండా పడుకుంటే ఇంకా మంచిది.
ఏదైనా మీ వీలునుబట్టి.