చిన్న పిల్లలు ఏం చేసిన ముద్దుగానే ఉంటుంది.మాములుగా అయితే పిల్లలు అంత చిన్న వయసులో ఏమి చేస్తుంటారు.
మహా అయితే స్కూల్ కు వెళుతూ ఆడుతూ పాడుతూ అల్లరి చేస్తూ తమ బాల్యాన్ని ఆస్వాదిస్తూ ఉంటారు.అంతేకాదు ఇక్కడ బుడ్డోడు చేసినట్టు మిగతా పిల్లలు చేయలేరు.
చేయరు కూడా.కానీ ఈ చిన్నోడు పట్టుమని 8 ఏళ్ళు నిండకుండానే అందరి చేత శభాష్ అనిపించు కుంటున్నాడు.
అంతలా మెచ్చుకునే పని ఏం చేశాడా అని అనుకుంటున్నారా.ఈ బుడ్డోడు చేసిన పని తెలుసుకుంటే మీరు కూడా ఆ బాలుడుని శభాష్ అని అనకుండా ఉండరు.
అంత చిన్న వయసులోనే పొలంలో తన తండ్రికి సహాయం చేయడానికి రెడీ అయి పోయాడు.అది చూసిన తండ్రి కళ్ళు ఆనందంతో చెమ్మ గిల్లాయి.ఇప్పుడు ఆ బుడ్డోడు గొర్రు పట్టిన వీడియో సోషల్ మీడియాలో వైరల్ అయ్యింది.
ఈ ఘటన రాజన్న సిరిసిల్ల జిల్లాలో చోటు చేసుకుంది.
అదే జిల్లాకు చెందిన బోయినపల్లి మండలం నీలోజిపల్లికి చెందిన శ్రీనివాస్ రెడ్డి అనే వ్యక్తికి 7 ఏళ్ల కొడుకు శ్రీతన్ ఉన్నాడు.శ్రీనివాస్ పొలానికి వెళ్లేప్పుడు తనతో పాటు కొడుకుని, కూతురుని కూడా తీసుకెళ్లాడు.
అయితే తండ్రి చేస్తుంటే కొడుకు కూడా తండ్రికి సహాయం చేయడం కోసం పొలం లోకి దిగాడు.దిగడమే కాదు గొర్రుతో పొలం దున్నడానికి కూడా సిద్ధం అయ్యాడు.
అంత చిన్న వయసులో నాగలి పట్టి గొర్రు తో దున్నుతున్న కొడుకుని వీడియో తీసి తన తండ్రి సోషల్ మీడియాలో పోస్ట్ చేసాడు.దీంతో ఆ వీడియో కాస్త వైరల్ అయ్యింది.ఈ వీడియో చూసిన నెటిజెన్స్ ఆ బుడ్డోడు చేసిన పనికి ఫిదా అవుతున్నారు.శభాష్ బుడ్డోడా అంటూ కామెంట్స్ చేస్తున్నారు.పెద్ద వెళ్ళే తన తండ్రికి సహాయం చేయడానికి ముందుకు రాని ఈ రోజుల్లో అంత చిన్న వయసుకే తన తండ్రి కష్టం చూడలేక ముందుకు వచ్చిన ఆ బుడ్డోడిని చూసి నెటిజెన్స్ సంతోష పడుతున్నారు.