ఆరోజు జరిగింది ఇదే... మొదటిసారి ట్రోల్స్ పై స్పందించిన యాటిట్యూడ్ స్టార్ చంద్రహాస్!

ఇక ప్రభాకర్ తన కుమారుడు చంద్రహాస్ ను ఇండస్ట్రీకి హీరోగా పరిచయం చేయబోతున్న విషయం మనకు తెలిసిందే.ఇదే విషయాన్ని ఈయన ఒక కార్యక్రమాన్ని ఏర్పాటు చేసి తన కుమారుడిని ఇండస్ట్రీకి హీరోగా పరిచయం చేయబోతున్నానంటూ వెల్లడించారు.ఈ కార్యక్రమంలో చంద్రహాస్ బాగా యాటిట్యూడ్ చూపించడంతో ఒక్కసారిగా ఈయన యాటిట్యూడ్ స్టార్ గా పేరు సంపాదించుకున్నారు.దీంతో నెటిజన్స్ భారీగా చంద్రహాస్ ను ట్రోల్ చేశారు.

అయితే ఈ ట్రోలింగ్స్ పై ఇదివరకే ప్రభాకర్ స్పందించారు.తాజాగా ఈయన కుమారుడు చంద్రహాస్ సైతం తన గురించి వచ్చిన ట్రోల్స్ పై స్పందించారు.

ఈ సందర్భంగా చంద్రహాస్ మాట్లాడుతూ తన గురించి వచ్చిన ట్రోల్స్ విషయంలో తన కుటుంబం మొత్తం ఎంతో బాధపడిందని తెలిపారు.ముఖ్యంగా తన తల్లి బాధపడటంతో తనకు లైట్ తీసుకో అని ధైర్యం చెప్పానని ఈయన తెలిపారు.అయితే ఆ రోజు నేను ఉద్దేశపూర్వకంగా చేసినది కాదు.అన్ని కెమెరాలు ముందు తన తండ్రి ఒక్కసారిగా తనని పొగడడంతో నవ్వు ఆపుకోలేకపోయాను తప్ప ఆరోజు నేనే ఏ తప్పు చేయలేదని అయితే అది చూసిన వారికి నేను యాటిట్యూడ్ చూపిస్తున్నాను అని అనుకున్నారంటూ చంద్రహాస్ మొదటిసారి తనపై వచ్చిన ట్రోల్స్ గురించి స్పందించారు.