ధూమపానం వలన వచ్చే లాభం ఒక్కటంటే ఒక్కటి ఉన్నా, స్మోకింగ్ మానేయాల్సిన అవసరం లేదు.కాని అలాంటి పరిస్థితి లేదే.
ధూమపానం ఏరకంగానూ ఆరోగ్యానికి మంచిది కాదు.వీర్యంలో DNA ని కూడా డామేజ్ చేయగల విషం స్మోకింగ్ లో ఉందని తాజాగా జరిగిన కొన్ని అధ్యయనాలు నొక్కి నొక్కి చెబుతున్నాయి.
“ఇప్పటివరకు స్మోకింగ్ పురుషులు వీర్యం మీద చూపించే ప్రభావం ఎలా ఉంటుంది అనే విషయం మీద ఎన్నో పరిశోధనలు జరిగాయి.ప్రతి రీసెర్చిలో ప్రమాదాల కౌంట్ పెరుగుతోందే తప్ప, తగ్గట్లేదు.
స్మోకింగ్ అలవాటు ఎక్కువగా ఉంటే, అది వీర్యాన్ని బలహీనపరచడమే కాదు, సెమెన్ లో DNA ని కూడా డ్యామేజ్ చేస్తుంది.ఇది పుట్టబోయే బిడ్డలకు పెద్ద ప్రమాదంగా మారుతుంది.
సంతానం ఆలస్యంగా కలగొచ్చు, అసలు కలగకపోవచ్చు.పుట్టిన బిడ్డకు ఎన్నో సమస్యలు రావొచ్చు.
ఇలా ఎన్నోరకాలుగా వీర్యానికి పెద్ద శతృవుగా మారుతోంది ధూమపానం” అంటూ డాక్టర్ రికార్డో పిమెంటా బెర్టొల్లా చెప్పుకొచ్చారు.
స్మోకింగ్ అంగస్తంభనలను ప్రభావితం చేస్తుంది.
పురుషాంగాన్ని బలహీనపరుస్తుంది.స్పెర్మ్ లోని DNA కి నష్టం చేకూరుస్తుంది.
భర్తకి స్మోకింగ్ అలవాటు ఉంటే భార్యకి కూడా ప్రమాదమే.మగవారి అలవాటు ఆడవారి సెక్స్ డ్రైవ్ ని కూడా బలహీనపరుస్తుందట.
అలాగే స్మోకర్స్ భర్తలుగా ఉన్న స్త్రీలు మిగితా వారికంటే త్వరగా మెనోపాజ్ దశకి చేరుకుంటారట.