కంపు కొట్టే కాస్టలీ ఫ్రూట్..! ఒక్కోటి 70 వేలకు పైనే..! అంత స్పెషల్ ఏంటి.? జనం ఎందుకు ఎగబడుతున్నారు?

మీరు చదివింది నిజమే.పైన ఫొటోలో కనిపిస్తున్న ఒక్క పండు 990 డాలర్లు (సుమారు రూ.70 వేలు)కు అమ్ముడుపోయింది.ఇక్కడ ఇంకో ట్విస్ట్ ఏంటి అంటే…ఈ పండు అత్యంత దుర్గంధం వెదజల్లే పండు.

 Things You Need To Know About Durian Fruit-TeluguStop.com

ఈ పండులో అంత స్పెషాలిటీ ఏముంది అనుకుంటున్నరా.?

ఆగ్నేసియాలో దొరికే ఈ పండు పేరు డురియన్.జే -క్వీన్ హైబ్రిడ్ రకానికి చెందిన ఈ పండును ఇండొనేసియన్లు పండులో రారాజుగా భావిస్తారు.ఇవి గుండ్రటి ఆకారంలో ఉంటూ.అరుదుగా లభిచటం వల్లనే వీటికి అంత ధర ఉంటుంది.

డురియన్ పండు కుళ్లిపోవడంతో ఆస్ట్రేలియాలోని ఓ యూనివర్శిటీనే ఖాళీ చేయించారంటే దాని వాసన ఎంత గాఢత ఉంటుందో చెప్పనక్కర్లేదు.విదేశాల్లో కొన్ని ప్రాంతాల్లో ఈ డురియన్ పండుపై నిషేధం విధించిన సందర్భాలు కూడా ఉన్నాయి.ఇలాంటి దుర్గంధపు పండును ఎవరైనా ఇష్టపడతారా? పోను తింటారా? కనీసం కొనేందుకు అయినా ముందుకు వస్తారా? అయినప్పటికీ ఈ జాతి పండు మార్కెట్లో అమ్ముడుపోయింది.

పైనున్న డురియన్ పండు ఇండోనేషియాలోని వెస్ట్ జావా ప్రావిన్స్‌లో ఉండే తసిక్‌మలయ ప్రాంతంలోని సూపర్‌మార్కెట్‌లో అమ్ముడుపోయింది.ఈ ఒక్క పండు 14 లక్షల ఇండోనేషియన్ రూపయ్యలకు అమ్ముడుపోవడం విశేషం.

ఈ పండును కొన్న వ్యక్తి పేరును రహస్యంగా ఉంచారు.అయితే అతడు ఓ డురియన్ లవర్ అని సదరు సూపర్‌మార్కెట్ మేనేజర్ హేరియావన్ తెరెన్ చెప్పాడు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube