బుల్లితెర అతి పెద్ద రియాలిటీ షో బిగ్ బాస్ నాల్గువ సీజ‌న్‌.ప్ర‌స్తుతం ఆరో వారానికి చేరుకున్న సంగ‌తి తెలిసిందే.
ఈ వారం అమీ తుమీ, కొట్టు తలతో ఢీ కొట్టు టాస్కుల‌తో త‌ర్వాత రెండో సారి నోయల్ కెప్టెన్‌గా ఎంపిక అయ్యారు.ఇక ర‌చ్చ ర‌చ్చ‌గా సాగిన టాస్కుల అనంత‌రం.
నిన్న‌టి ఎపిసోడ్‌లో భావోద్వేగ సంఘటనలు చోటు చేసుకున్నాయి.ఇంటి సభ్యులకు తమ చిన్ననాటి ఫొటోలను గిఫ్ట్‌గా పంపిన బిగ్ బాస్.
మీ లైఫ్‌లో జరిగిన సంఘటనల్ని షేర్ చేసుకోవాలని ఆదేశించారు. ఇక ఇంటి స‌భ్యులంద‌రూ తమ లైఫ్‌లో కోల్పోయిన‌వి, సంపాదించుకున్న‌వి షేర్ చేస్తూ తెగ ఎమోష‌న్ అయ్యారు.
ఈ క్ర‌మంలోనే వారు క‌న్నీరు పెట్టుకోవ‌డంతో పాటు షో చూసే ప్రేక్ష‌కుల‌ను సైతం క‌న్నీరు పెట్టుకునేలా చేశారు.ఈ వ్య‌వ‌హారం మొత్తం ముగిశాక.అంద‌రూ నిద్రించారు.ఈ స‌మ‌యంలోనే బిగ్ బాస్ హౌస్‌లో దొంగ‌లు ప‌డ్డారు.
ట్విస్ట్ ఏంటంటే, బిగ్ బాస్ హౌస్‌లో బ‌య‌ట దొంగ‌లు కాదు.ఇంటి దొంగ‌లే ప‌డ్డారు.
రాత్రి పూట అంద‌రూ ప‌డుకున్నాక.లాస్య, హారిక కిచెన్‌లో దూరి పిస్తాలు దొంగ‌త‌నం చేసి తినేశారు.అనంత‌రం అక్క‌డే కూర్చుని పిస్తా తొక్క‌ల‌తో గ‌వ్వ‌లాట ఆడుకోవ‌డం మొద‌లుపెట్టారు.అయితే ఇది గ‌మ‌నించిన అఖిల్.
వారిద్ద‌రిని భ‌య‌పెట్టే ప్ర‌య‌త్నం చేశాడు.ఆ త‌ర్వాత ఈ ముగ్గురినీ కెప్టెన్ నోయల్ భ‌యపెట్టాడు.
అనంత‌రం న‌లుగురు క‌లిసి కిచెన్‌లో ఉండే వ‌స్తువుల‌ను తిన‌డం మొద‌ల‌పెట్టారు.ఇక ఇంత‌లోనే వ‌చ్చిన దివి కూడా వాళ్ల‌తో జాయిన్ అయ్యి నచ్చిన‌వ‌న్నీ తినేసింది.మొత్తానికి ఇంటి స‌భ్యులే దొంగ‌లుగా మారి.కావాల్సినవి లాగించేశారు.
కాగా, ఈ వారం అరియానా, అభిజిత్, మోనాల్, కుమార్ సాయి, దివి, అఖిల్, నోయల్, లాస్య, హారిక‌లు నామినేష‌న్స్‌లో ఉన్నారు.మ‌రి వీరిలో ఏవరు ఈ వారం ఎలిమినేట్ అవుతాడో చూడాలి.
