దొంగతనం అంటేనే ఎంతో రిస్క్తో కూడుకున్న పని.ఆ పని చేయాలంటే ఎవరూ లేని చోట మాత్రమే అది సాధ్యం అవుతుంది.
లేదంటే చాలా మంది బిజీగా ఉన్న రద్దీ ప్రాంతాల్లోనే వర్కౌట్ అవుతుంది.అలా కాదని ఏ మాత్రం పొరపాటు చేసినా కూడా చివరకు కటకటాల పాలవ్వాల్సిందే.
ఇక ఇప్పుడు మనం చెప్పుకోబోయేది ఓ వింత దొంగ గురించి.ఇప్పటికే మనం నగల షాపుల్లోకి వచ్చి ఈజీగా నగలు దొంగిలించిన వారి గురించి ఎన్నో వీడియోలను చూస్తూనే ఉన్నాం.
కానీ ఈ దొంగ మాత్రం కొంత విచిత్రంగా ఆలోచించి ఏకంగా క్రికెట్ గ్రౌండ్లోకి ఎంట్రీ ఇచ్చాడు.
క్రికెట్ గ్రౌండ్లో సాధారణంగానే మ్యాచు ఆడుతూ ఆటగాళ్లంతా చాలా బిజీగా ఉన్నారు.
ఇక తన పని కానివ్వాలని డిసైడ్ అయిన ఈ దొంగ అక్కడే ఉన్న వారి పర్సులపై కన్నేసి క్షణాల్లో చేసేసి తన పని కంప్లీట్ చేసాడు.అయితే ఏ మాత్రం ఆలస్యం చేయకుండా సీన్లోకి ఎంటరైన పోలీసులకు కూడా ఈ దొంగ బాగానే చుక్కలు చూపించాడని తెలుస్తోంది.
కానీ ఎన్ని చేసినా చివరికి పోలీసులకు ఈ దొంగ పట్టుబడ్డాడు.ఇదంతా లండన్లో జరిగిన చెర్వెల్ లీగ్ క్రికెట్ మ్యాచ్ లో జరిగిన సంఘటన గురించి మనం చెప్పుకునేది.
అయితే ఈ క్రికెట్ గ్రౌండ్లో స్టాంటన్ హార్కోర్ట్ క్రికెట్ క్లబ్తో వుల్వర్కోట్ క్లబ్ జట్టు పోటా పోటీగా మ్యాచ్ ఆడుతుండగా అక్కడకు ఓ దొంగ ఎంటరయ్యాడు.సీరియస్ గా ఆడుతున్న ఆటగాళ్ల పర్సుల నుంచి చాలా తెలివిగా డబ్బులను కొట్టేశాడు ఈ దొంగ.దాంతో ఈ దొంగతనం వార్త కాస్తా క్రికెట్ ఆటగాళ్లకు తెలియడంతో ఆ దొంగ పని పట్టేందుకు వారంతా అలెర్ట్ అయ్యి పోలీసులను కూడా ఎంటర్ చేశారు.ఇక వారంతా చాక చక్యంగా వెతికి ఆ దొంగను ఇట్టే పట్టేసుకున్నారు.
ఇందుకు సంబంధించిన వార్త ఇప్పుడు నెట్టింట వైరల్ అవుతోంది.