సోషల్ మీడియాలో జంతువులకు సంబంధించిన వీడియోలు వైరలవుతుంటాయి.అయితే, కొన్ని వీడియోలు చూస్తే మాత్రం ఒళ్లు జలదరిస్తుంటుంది.
ఈ కోవకు చెందిన వీడియో ఒకటి ప్రస్తుతం నెట్టింట సందడి చేస్తోంది.సదరు వీడియోలో ప్రమాదకరమైన కొండ చిలువ చేతిలో చిక్కుకుని దాదాపుగా దాని పని అయిపోయిందనుకునే స్థితిలో ఉన్న కుక్కను ఓ నలుగురు పిల్లలు శ్రమించి కాపాడారు.
ఈ క్రమంలో వారు కొండ చిలువకే చుక్కలు చూపించారని చెప్పొచ్చు.
సదరు వైరల్ వీడియోలో మీరు చూసినట్లయితే కుక్క కొండ చిలువ ఎరలో చిక్కుకుని ఉంది.
ఇంకొద్ది సేపు అయితే కొండ చిలువ సజీవంగానే కుక్కను మింగే ప్రయత్నం చేసేది.అంతలోనే అక్కడికి ముగ్గురు నలుగురు పిల్లలు వచ్చారు.కుక్కను అమాంతంగా చుట్టేసిన కొండ చిలువను చూసి వారు కుక్కను కాపాడేందుకు పూనుకున్నారు.
ఈ క్రమంలోనే వారు.
కొండ చిలువ నోటికి అడ్డంగా ఓ కట్టెను పెట్టారు.మొత్తం ముగ్గురు పిల్లలు నిస్సహాయస్థితిలో ఉన్న కుక్కను కాపాడేందుకు సాహసమే చేశారు.
అలా చుట్టుకుని ఉన్న కొండ చిలువను అతి కష్టం మీద లాగారు.చివరకు కుక్కకు చుట్టుకుని ఉన్న కొండ చిలువను వాళ్లు బయటకు తీశారు.
కుక్క ఇక తన ప్రాణాలను తిరగి సంపాదించుకుంది.
ఇందుకు సంబంధించిన వీడియో సోషల్ మీడియాలో బాగా వైరలవుతోంది.యానిమల్ వరల్డ్ అనే ట్విట్టర్ యూజర్.ఇందుకు సంబంధించిన వీడియో షేర్ చేయగా, అది నెట్టింట ట్రెండవుతోంది.
ఈ వీడియో చూసి నెటిజన్లు సదరు కుక్కను కాపాడిన పిల్లలను అప్రిసియేట్ చేస్తున్నారు.చాలా కష్టపడి కుక్కను కొండ చిలువ చెర నుంచి కాపాడారని అంటున్నారు.
ఇకపోతే ఈ వీడియోను చూస్తున్నంతసేపు కొంత మేరకు భయం అయితే అయిందని ఇంకొందరు నెటిజన్లు అభిప్రాయపడ్డారు.పిల్లలు సాహసవీరులు మాత్రమే కాదు కుక్క పాలిట ప్రాణప్రదాతలు అని కొందరు చెప్తున్నారు.