మనకు ఈ ప్రపంచంలో ఎన్నో రకాల రిలేషన్స్ ఉన్నాయి.భార్య భర్తల రిలేషన్, తల్లిదండ్రుల రిలేషన్.
ఫ్రెండ్ షిప్ రిలేషన్, అన్నదమ్ముల రిలేషన్ ఇలా ఎన్నో విధానాలు అయినటువంటి రిలేషన్స్ ఉన్నాయి.కానీ ఏ రిలేషన్ అయినా ఎక్కువ కాలం కొనసాగాలంటే మనలో ఉన్న కోపాలను, ఇగో లను పక్కన పెట్టాలి ఏ రిలేషన్ షిప్ లో అయినా ఎదుటివారు కోపంగా ఉంటే వారికి నచ్చజెప్పి సర్ది చెప్పాలి కానీ వారు ఏదో అన్నారు అని మనం కూడా రియాక్ట్ అవకూడదు.
రిలేషన్ లో ఎదుటివారు మనలను ఏదైనా అన్నప్పుడు సర్దుకుపోయే స్వభావం ఉండాలి అప్పుడే రిలేషన్ బాగుంటుంది.అలాగే ఎదుటివారు మాట్లాడేటప్పుడు వారి మాటలను వినాలి వారి మాటలకు కూడా విలువ ఇవ్వాలి.
అలా కాకుండా నేను చెప్పినది జరగాలి నేను చెప్పినది నువ్వు వినాలి అని ఎప్పుడూ అనుకోకూడదు.వీలైతే ఎదుటివారిని ప్రేమించడానికి ప్రయత్నించాలి.అలాగే మన అనుకున్న వారి కోసం మనంఒక మెట్టు దిగిన వచ్చే నష్టం ఏమీ లేదు.
ఎటువంటి రిలేషన్షిప్ అయినా సరే ఎక్కువకాలం కొనసాగాలంటే హార్డ్ వర్క్ తప్పనిసరిగా చేయాలి.ప్రేమ,అభిమానం,భద్రత ఇలాంటి వాటి వల్ల బంధాలు ఇంకా ఎక్కువ కాలం నిలబడతాయి.వీటినే ఎప్పుడైతే మనం మర్చి పోతాము అప్పుడు మన బంధం లోని వారు దూరం అవుతారు.
బంధం బాగా బలపడాలి అంటే అప్పుడప్పుడు సినిమాలకు బయట తిరగడం ద్వారా కోపతాపాలు ఉండవు.బంధం లో కమ్యూనికేషన్ గ్యాప్ అస్సలు మంచిది కాదు.
రిలేషన్ షిప్ లో ఎప్పుడైనా చిన్న గొడవ వస్తే చిన్న గొడవే కదా అని వదిలేయకూడదు వాటిని పరిష్కరించుకోవాలి లేదంటే ఆ చిన్న చిన్న గొడవలు పెద్ద పెద్ద వివాదాలకు దారి తీయవచ్చు.అలాగే ఏ బంధంలోనైనా సంఘర్షణలకు తావు ఇవ్వకుండా చూసుకోవాలి.
మనకు కోపం వచ్చినా బాధ వచ్చినా మన భాగస్వామితో షేర్ చేసుకోవాలి అప్పుడు ఆ రిలేషన్ బాగుంటుంది.ఇప్పుడైనా బంధంలో ఒక మాట అంటే ఆ మాటలు పట్టించుకోని ఉండకూడదు.
అలా బంధంలోని లోపాలను పట్టుకుని వేలాడుతూ ఉండే బంధాలు ఎప్పటికీ మెరుగవ్వవు.
.