ఆ రాయి రూ. 6 కోట్లట.. అసలు మ్యాటరేంటంటే..?!

దేశంలోదొంగతనాలురోజురోజుకూ పెరిగిపోతున్నాయి.చాలా మంది జల్సాల కోసం, పని లేకపోవడం వల్ల చెడుతిరుగుళ్లకు అలవాటుపడి వ్యసనాలకు దగ్గరవుతున్నారు.

 The Stone Is Worth Rs 6 Crores What Is The Real Matter-TeluguStop.com

డబ్బు కోసం అడ్డదార్లు తొక్కుతున్నారు.చోరీలు చేయడంలో కూడా తమ తెలివితేటల్ని ప్రదర్శిస్తూ జల్సాగా దోపిడీలు చేసేస్తున్నారు.

పోలీసులకు దొరక్కుండా దర్జాగా బతికేస్తున్నారు.తాజాగా కర్ణాటకలో కూడా ఓ దొంగతనం చోటుచేసుకుంది.

 The Stone Is Worth Rs 6 Crores What Is The Real Matter-ఆ రాయి రూ. 6 కోట్లట.. అసలు మ్యాటరేంటంటే..-General-Telugu-Telugu Tollywood Photo Image-TeluguStop.com

అయితే అది బెడిసికొట్టింది.నకిలీ వజ్రాల ముఠా గుట్టు రట్టు అయ్యింది.ఓ రాయికి ఏకంగా రూ.6 కోట్లు విలువ కట్టి దాన్ని డైమండ్​ అని నమ్మబలికి విక్రయించేందుకు యత్నించారు దుండగులు.ఇంతలో అసలు విషయం బయటపడగా నిందితులు కటకటాల పాలయ్యారు.ఈ ఘటన స్థానికంగా కలకలం రేపింది.కర్ణాటకలో నకిలీ వజ్రాన్ని విక్రయించేందుకు ప్రయత్నించిన కేసులో ఐదుగురిని పోలీసులు అరెస్టు చేశారు. చిక్కబల్లపురాలోని ఓ ముఠా రంగు రాయిని చూపిస్తూ తమకు వజ్రపు రాయి లభించిందని నమ్మబలికింది.

దాన్ని విక్రయించేందుకు సిద్దమైంది.దుండగులు ఆ వజ్రాన్ని రూ.6 కోట్లకు విలువకట్టి అమ్మకానికి పెట్టారు.

పెట్రోల్​ బంక్ నిర్మాణం కోసం భూమిని వెతికే పనిలో ఉన్న ప్రశాంత్​ వారి కంటపడ్డాడు.

తాము రియల్​ ఎస్టేట్​ వ్యాపారులమంటూ ప్రశాంత్ కు నిందితులు పరిచయమయ్యారు.అయితే వారు దొంగలని, మోసాలు చేస్తారని అతడికి తెలీదు.తమ వద్ద రూ.6 కోట్ల వజ్రపు రాయి ఉందని, అది తమ పొలంలో దొరికిందని దుండగులు చెప్పడంతో ప్రశాంత్ నమ్మాడు.ఆ తర్వాత ఆ వజ్రాన్ని రూ.6 కోట్లకు ఇస్తామని బేరం మాట్లాడారు.దీంతో ప్రశాంత్ అంత సొమ్ము తాను చెల్లించలేనని అన్నారు.అయితే దాన్ని అమ్మేందుకు సహకరిస్తే చాలు రూ.3 కోట్లు కమీషన్​గా ఇస్తామని ఆశచూపారు.దీంతో మూడు కోట్ల రూపాయలు వస్తున్నాయనే ఆనందంలో ఒప్పందానికి ప్రశాంత్ సరేనన్నాడు.

ఆ తర్వాత అది నకిలీదని తేలడం వల్ల నివ్వెరపోవడం ప్రశాంత్​ వంతైంది.వెంటనే పోలీసులకు సమాచారమిచ్చాడు.

ఈ కేసులో ప్రధాన నిందితుడైన మంజునాథ్​ సహా అతడికి సహకరించిన మరో నలుగురిని పోలీసులు అరెస్ట్​ చేశారు.ఇటువంటి వారిని నమ్మకుండా ఉండాలని, అనుమానం ఉన్న వ్యక్తులు ఇలా చేస్తే వెంటనే పోలీసులకు సమాచారం అందివ్వాలని సూచించారు.

#Stone #6 Crore #Police #Arrested

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు