టాలీవుడ్ ఇండస్ట్రీలో వరుస విజయాలను సొంతం చేసుకుంటున్న టాప్ డైరెక్టర్లలో అనిల్ రావిపూడి ఒకరు.అనిల్ రావిపూడి కథనం, మాటలు ఇచ్చి దర్శకత్వ పర్యవేక్షణ చేసిన గాలిసంపత్ సినిమా శివరాత్రి పండుగ కానుకగా థియేటర్లలో విడుదలై మంచి సినిమాగా పేరు తెచ్చుకొంది.
అయితే కమర్షియల్ గా మాత్రం ఈ సినిమా ఫ్లాప్ గా నిలిచింది.గాలిసంపత్ ప్రమోషన్లలో భాగంగా ఇంటర్వ్యూల్లో పాల్గొంటున్న అనిల్ రావిపూడి కీలక విషయాలను వెల్లడించారు.
గాలిసంపత్ కథను మొదట విన్న సమయంలోనే రాజేంద్రప్రసాద్ ను తండ్రిపాత్రకు అనుకున్నామని శ్రీవిష్ణు కొడుకు పాత్రకు సరిపోతాడని అనిపించి అతనిని ఎంపిక చేశామని తెలిపారు.ఈవీవీ సత్యనారాయణ, జంధ్యాల లాంటి డైరెక్టర్లు సినిమాల్లో ప్రతి పాత్రకు ప్రాధాన్యత ఉండేలా చూసుకునేవాళ్లని అనిల్ రావిపూడి తెలిపారు.
బాబాయ్ అరుణ్ ప్రసాద్ తమ్ముడు, గౌతమ్ ఎస్.ఎస్.సీ సినిమాలు తెరకెక్కించారని ప్రస్తుతం అరుణ్ ప్రసాద్ బిజినెస్ చేస్తున్నారని అనిల్ రావిపూడి అన్నారు.
చాలా సినిమాలకు తాను డైలాగ్ రైటర్ గా పని చేశానని రైటర్ గా ఆశించిన స్థాయిలో సక్సెస్ కాకపోయినా రైటర్ గా పని చేసిన హీరోలతోనే డైరెక్టర్ గా కూడా పని చేసి విజయాలను అందుకున్నానని అనిల్ రావిపూడి వెల్లడించారు.రవితేజతో తెరకెక్కించిన రాజా ది గ్రేట్ సినిమా గురించి చెబుతూ ఈ సినిమాను మొదట రామ్ తో తెరకెక్కించాలని అనుకున్నానని కానీ కొన్ని కారణాల వల్ల ఆ సినిమా రామ్ తో తెరకెక్కించలేదని అనిల్ రావిపూడి చెప్పారు.
చిన్నప్పటి నుంచి చిరంజీవి సినిమాలు చూస్తూ డ్యాన్స్ చేసేవాడినని ఈవెంట్ లో ఎప్పుడైనా డ్యాన్స్ చేయాలని ఉందని అనిల్ రావిపూడి అన్నారు.
బాగా కొరియోగ్రఫీ నేర్చుకుని ఏదైనా ఈవెంట్ లో డ్యాన్స్ చేస్తానని అనిల్ రావిపూడి తెలిపారు.