తెలంగాణ రాజకీయాలు రణరంగంగా మారుతున్న పరిస్థితి మనం చూస్తూ ఉన్నాం.అయితే ఇప్పటివరకు ఈటెల- కేసీఆర్ మధ్య మాటల తూటాలు కాస్త ఇప్పుడు బీజేపీ వర్సెస్ టీఆర్ఎస్ గా మారే అవకాశం ఉంది.
అయితే ఇప్పటికే తన ఎమ్మెల్యే పదవికి రాజీనామా సమర్పించిన ఈటెల, వెంటనే ఈటెల రాజీనామాకు స్పీకర్ కూడా ఆమోదం తెలపడం జరిగింది.అయితే తన ఎమ్మెల్యే పదవికి రాజీనామా చేసిన సందర్బంగా ఈటెల సంచలన వ్యాఖ్యలు చేయడం జరిగింది.
పదవికి రాజీనామా చేసిన తరువాత చాలా స్వేచ్చగా ఉందని, ఇక కేసీఆర్ నుండి తెలంగాణను విముక్తి చేయడమే నా లక్ష్యమని ఆ దిశగానే నా పోరాటం ఉంటుందని ఈటెల స్పష్టం చేసారు.
ఇక తన రాజీనామా తరువాత విలేఖరుల సమావేశం నిర్వహించిన ఈటెల తరువాత ఇక బీజేపీలో చేరనున్నట్లు తెలుస్తోంది.ఏది ఏమైనా ఈటెల అంశం ఇప్పుడు హాట్ టాపిక్ గా మారిందని చెప్పవచ్చు.ఇక బీజేపీలో చేరిన తరువాత రాజకీయ విమర్శలు టీఆర్ఎస్ ను పెద్ద ఎత్తున ఇరుకున పెట్టేలా ఉండేలా కనిపిస్తున్నాయి.
ఇక బీజేపీలోని ఇతర నాయకులు సైతం టీఆర్ఎస్ పై పెద్ద ఎత్తున విమర్శలు ఎక్కుపెట్టేలా కనిపిస్తున్న పరిస్థితి ఉంది.ఏది ఏమైనా హుజూరాబాద్ రాజకీయం మంచి రసకందాయంగా మారుతుందనడంలో ఎటువంటి సందేహం లేదు.