పెళ్లి చూపులు సినిమాతో టాలీవుడ్‌లో సెన్సేషన్ క్రియేట్ చేసిన దర్శకుడు తరుణ్ భాస్కర్ ఆ తరువాత వరుసగా సినిమాలు చేస్తూ వస్తున్నాడు.యూత్‌ను ఆకట్టుకునే కొత్త జోనర్‌లతో సినిమాలు చేసి ఆయన ప్రేక్షకుల మెప్పు పొందాడు.
కాగా ‘ఈ నగరానికి ఏమైంది?’ అనే యూత్‌ఫుల్ మూవీతో ప్రేక్షకులను మెప్పించాడు తరుణ్.
ఇక ఈ సినిమాతో హీరోగా విశ్వక్ సేన్ టాలీవుడ్‌లో ఎంట్రీ ఇచ్చిన సంగతి తెలిసిందే.
ఈ సినిమా తరువాత తనే సొంతంగా డైరెక్షన్ చేస్తూ తెరకెక్కించిన ఫలక్‌నుమా దాస్ చిత్రం బాక్సాఫీస్ వద్ద సక్సెస్ అందుకుంది.ఇక ఇటీవల హిట్ అనే సినిమాతో అదిరిపోయే హిట్ అందుకున్న విశ్వక్ సేన్‌ను మరోసారి డైరెక్ట్ చేయనున్నాడు తరుణ్ భాస్కర్.
ప్రస్తుతం అంతా వెబ్ సిరీస్‌ల మయం కావడంతో, త్వరలోనే విశ్వక్ సేన్ కూడా ఓ వెబ్ సిరీస్‌లో నటించేందుకు రెడీ అవుతున్నాడు.
ఈ క్రమంలో అతడు నటించబోయే ఈ వెబ్ సిరీస్‌ను డైరెక్టర్ తరుణ్ భాస్కర్ తెరకెక్కించనున్నట్లు తెలుస్తోంది.
విశేషమేమిటంటే ఈ వెబ్ సిరీస్‌కు కూడా ‘ఈ నగరానికి ఏమైంది?’ అనే టైటిల్‌ను పెట్టారట.మొత్తానికి మరోసారి ఈ నగరానికి ఏమైంది అంటూ తరుణ్ భాస్కర్ – విశ్వక్ సేన్‌లు మనల్ని అలరించేందుకు రెడీ అవుతున్నారు.
