నేచురల్ స్టార్ నాని, యంగ్ హీరో సుధీర్ బాబు కలిసి నటిస్తున్న మల్టీస్టారర్ మూవీ ‘వి’ ఇప్పటికే షూటింగ్ పనులు చివరి దశకు చేరుకుంది.ఇంద్రగంటి మోహనకృష్ణ డైరెక్ట్ చేస్తున్న ఈ సినిమాలో నాని విలన్ పాత్రలో నటిస్తున్నాడని, హీరోగా సుధీర్ బాబు చేస్తున్నాడని చిత్ర యూనిట్ తెలిపింది.
ఇక ఈ సినిమాపై ఇండస్ట్రీ వర్గాలతో పాటు ప్రేక్షకుల్లో సైతం మంచి అంచనాలు క్రియేట్ చేసేలా చిత్ర యూనిట్ ప్లాన్ చేస్తోంది.
కాగా ఈ సినిమాకు అమిత్ త్రివేది సంగీతాన్ని అందిస్తుండగా, మరో మ్యూజిక్ సెన్సేషన్ను ఈ సినిమా కోసం తీసుకున్నారు చిత్ర యూనిట్.
అల వైకుంఠపురములో చిత్రంతో ప్రపంచాన్ని ఊపేసిన మ్యూజిక్ డైరెక్టర్ థమన్తో ఈ సినిమా కోసం బ్యాక్గ్రౌండ్ మ్యూజిక్ అందించాలని చిత్ర యూనిట్ భావిస్తోంది.థమన్ కూడా ఈ సినిమాకు ఎలాంటి బీజీఎం అందిస్తాడా అని అందరూ ఆసక్తిగా చూస్తున్నారు.
ఇప్పటికే బీజీఎం ఎక్స్పర్ట్ అని పేరుతెచ్చుకున్న థమన్, ఈ సినిమా కోసం మరోసారి తన విశ్వరూపాన్ని చూపించడం ఖాయమని అంటున్నారు.
నాని, సుధీర్ బాబులు కలిసి నటిస్తున్న ఈ సినిమాలో నివేదా థామస్, అదితి రావు హైదరీలు హీరోయిన్లుగా నటిస్తున్నారు.దిల్ రాజు ప్రొడ్యూస్ చేస్తున్న ఈ సినిమా ఫస్ట్ టీజర్ను ఫిబ్రవరి 17న రిలీజ్ చేస్తుండగా, మార్చి 25న సినిమాను రిలీజ్ చేసేందుకు చిత్ర యూనిట్ రెడీ అవుతోంది.మరి ఈ సినిమాకు థమన్ ఎంతమేర ఉపయోగపడతాడో చూడాలి అంటున్నారు ప్రేక్షకులు.