తెలుగులో ప్రముఖ దర్శకుడు పూరి జగన్నాథ్ దర్శకత్వం వహించిన “143” అనే చిత్రం ద్వారా టాలీవుడ్ సినిమా పరిశ్రమకు హీరోయిన్ గా పరిచయమైన “బాలీవుడ్ బ్యూటీ సమీక్ష” గురించి సినిమా ప్రేక్షకులకు కొత్తగా పరిచయం చేయాల్సిన అవసరం లేదు. అయితే ఈ అమ్మడు వచ్చి రావడంతోనే మంచి హిట్ అందుకోవడంతో తెలుగు, తమిళం, కన్నడ, మలయాళం తదితర భాషలలో సినిమా అవకాశాలను దక్కించుకుంది.
కానీ దురదృష్ట వశాత్తు ఈ అమ్మడు హీరోయిన్ గా నటించిన చిత్రాలలో ఎక్కువ శాతం చిత్రాలు బాక్సాఫీస్ వద్ద ఫ్లాప్ అయ్యాయి. దీంతో ఒక్కసారిగా ఈ అమ్మడి సినిమా కెరియర్ డౌన్ అయింది.
అంతేగాక ఈ క్రమంలో క్యారెక్టర్ ఆర్టిస్ట్ పాత్రలలో నటించడానికి కూడా సిద్ధ పడింది. ఆ మధ్య పలు తెలుగు చిత్రాలలో స్పెషల్ సాంగ్స్ లో కూడా నటించింది.
అయితే తెలుగులో చివరిగా సమీక్ష టాలీవుడ్ ప్రముఖ దర్శకుడు “అజయ్ భుయాన్” దర్శకత్వం వహించిన దడ చిత్రంలో నటించింది. ఈ చిత్రంలో అక్కినేని హీరో నాగ చైతన్య వదిన పాత్రలో కనిపించింది.
కానీ ఈ చిత్రం కూడా ప్రేక్షకులను పెద్దగా ఆకట్టుకోలేక పోయింది. దీంతో ఈ అమ్మడు అప్పటి నుంచి తెలుగు చిత్రాలలో నటించలేదు.
నటన పరంగా ఎంతో ప్రతిభ ఉన్నటువంటి సమీక్ష తన చిత్ర కథల విషయంలో మరియు పాత్రల విషయంలో సరైన నిర్ణయం తీసుకోక పోవడమే ఆమె సినిమా కెరియర్ ముగిసిపోవడం కారణమైంది.
అయితే ఈ అమ్మడికి తెలుగులో అవకాశాలు లేకపోయినప్పటికీ పంజాబీ భాషలో మాత్రం వరుస సినిమాలతో అప్పుడప్పుడు బాగానే అలరిస్తోంది.కాగా ప్రస్తుతం నటి సమీక్ష “శైల్ ఓస్వల్” అనే ఓ ప్రముఖ సినీ నిర్మాతను ప్రేమిస్తున్నట్లు ఇటీవలే తన అధికారిక ఇన్స్టాగ్రామ్ ఖాతా ద్వారా తెలిపింది.అంతేగాక ఇటీవల వీరిద్దరు సింగపూర్ లో సీక్రెట్ గా పెళ్లి కూడా చేసుకున్నారు.
దీంతో సమీక్ష సినిమాలకు గుడ్ బై చెప్పి వ్యాపారాలపై దృష్టి సారిస్తోంది…
.