మా తల్లే.. బ్రేక్కి బదులు యాక్సిలరేటర్ నొక్కింది.. కారు స్టోర్లోకి దూసుకెళ్లింది!
TeluguStop.com
డ్రైవింగ్ సరిగా నేర్చుకోకపోతే, డ్రైవింగ్ సీట్లో కూర్చున్నప్పుడు నిర్లక్ష్యంగా ఉంటే ప్రమాదాలు జరగడం అనివార్యం.
ఈ విషయం తెలిసినా కొందరు ఏమవుతుందిలే అనే భావనతో వాహనాలు నడిపేస్తుంటారు.ఇలాంటి వ్యక్తులు చేసిన యాక్సిడెంట్లు ఇప్పటికే నెట్టింట్లో చాలా వైరల్ అయ్యాయి.
ఇప్పుడు, అలాంటి వీడియో ఒకటి విస్తృతంగా సోషల్ మీడియాలో చక్కర్లు కొడుతోంది.ఈ ఘటన గుజరాత్లోని వడోదరలో చోటు చేసుకుంది.
ఈ ఘటనలో ఒక కారు పింగాణి, వంట పాత్రలు అమ్మే క్రాకరీ స్టోర్లోకి దూసుకెళ్లింది.
వివరాల్లోకి వెళ్తే.బుధవారం రాత్రి, వడోదరలోని అల్కాపురి బీపీసీ రోడ్లోని ఓ క్రాకరీ షాప్ ముందుకి ఓ మహిళా డ్రైవర్ కారు వేసుకుని వచ్చింది.
అక్కడ కారు పార్కింగ్ చేస్తుండగా బ్రేక్కి బదులు యాక్సిలరేటర్ నొక్కింది.అంతే, రెప్ప పాటు సమయంలో కారు షోరూంలోని ఐదు మెట్లు ఎక్కేసింది.
అది షాప్ అద్దాలు పగులగొట్టి మరీ లోపలికి దూసుకెళ్ళింది. """/"/
ఈ ప్రమాదంలో ఎవరికీ గాయాలు కాలేదు.
కానీ షోరూమ్ మాత్రం ధ్వంసమైంది.లక్షల విలువైన పాత్రలు కూడా విరిగిపోయాయి.
దాంతో ఆ షాపు యజమాని మహిళపై పోలీసులకు ఫిర్యాదు చేశారు.ఒక్కసారిగా కారు అద్దాలను ఢీకొట్టడం పెద్దగా శబ్దం రావడంతో షోరూం యజమాని మహేశ్భాయ్ సింధానీ, సిబ్బంది కూడా ఉలిక్కిపడ్డారు.
అదృష్టవశాత్తూ, మహిళతో సహా షోరూమ్లోని ఏ ఉద్యోగీ గాయపడలేదు. """/"/
ఈ ఘటన మొత్తం షోరూమ్లోని సీసీటీవీ కెమెరాలో రికార్డయింది.
స్థానికులు ఇలాంటి యాక్సిడెంట్ ఎక్కడా చూడలేదనట్లు వింతగా వచ్చి చూసి పోయారు.కొందరు వీడియోలు తీసి ఈ ఘటనకు సంబంధించిన వీడియో సోషల్ మీడియాలో పోస్ట్ చేశారు అది కాస్త వైరల్గా మారింది.
ఇది చూసిన నెటిజన్లు ఫన్నీగా రియాక్ట్ అవుతున్నారు.'మా తల్లే' అని ఆమె డ్రైవింగ్ స్కిల్స్ ని ఎగతాళి చేస్తున్నారు.