వైరల్ వీడియో: విమానానికి పక్షి ఢీ.. ఒక్కసారిగా మంటలు చెలరేగడంతో?
TeluguStop.com
ఇటీవలి కాలంలో విమాన ప్రమాదాలు పలు చోట్ల చోటుచేసుకుంటున్నాయి.జూన్ 2023లో నెపాల్లోని పోఖరా విమాన(Pokhara Flight In Nepal) ప్రమాదం, సెప్టెంబర్లో బ్రెజిల్లోని చిన్న ప్రయాణికుల విమానం కూలిపోయిన ఘటనలు ప్రజలను కలవరపెట్టాయి.
విమానాల సాంకేతికత, భద్రతా ప్రమాణాలు మెరుగుపడినా.పక్షి ఢీకొనడం, వాతావరణ పరిస్థితులు, సాంకేతిక లోపాలు వంటి కారణాలతో ప్రమాదాలు జరగడం కొనసాగుతోంది.
ఇక తాజాగా, అమెరికాలోని నెవార్క్ లిబర్టీ ఇంటర్నేషనల్ ఎయిర్ పోర్టులో ఫెడ్ఎక్స్ కార్గో విమానానికి (FedEx Cargo Plane)ప్రమాదం తృటిలో తప్పింది.
శనివారం ఉదయం బోయింగ్ 767-3S2F విమానం(Boeing 767-3S2F Aircraft) టేకాఫ్ అయిన కొద్ది సేపటికే పక్షి ఢీకొనడంతో విమానం కుడి ఇంజిన్లో మంటలు చెలరేగాయి.
"""/" /
విమానంలో మంటలు ఎగిసిపడడం గమనించిన పైలట్ వెంటనే అప్రమత్తమయ్యారు.ఎమర్జెన్సీ ల్యాండింగ్ కోరుతూ నెవార్క్ ఎయిర్ పోర్టు అధికారులను సమాచారం అందించారు.
ఫైర్ సేఫ్టీ ఆఫీసర్లు ముందస్తుగా ఫైర్ ఇంజన్లతో సిద్దంగా ఉండి, రన్వే క్లియర్ చేశారు.
చివరకు విమానం సురక్షితంగా ల్యాండ్ అవడంతో అందరూ ఊపిరి పీల్చుకున్నారు.ఇకపోతే, విమానం గాల్లో ఉండగానే మంటలు ఎగిసిపడిన దృశ్యాలు ప్రస్తుతం సోషల్ మీడియాలో వైరల్ అవుతున్నాయి.
ఈ ఘటనపై ఫెడ్ఎక్స్ అధికారికంగా స్పందిస్తూ.పైలట్ అప్రమత్తతను ప్రశంసించారు.
ఈ ఘటనతో మరోసారి విమాన భద్రతా చర్యలు, పక్షి ఢీకొనడం వంటి ప్రమాదాలపై ఆందోళన వ్యక్తమవుతోంది.
"""/" /
ఇలాంటి ప్రమాదాలను నివారించేందుకు విమానాశ్రయాల పరిసర ప్రాంతాల్లో పక్షుల సంచారం తగ్గించే చర్యలు తీసుకోవడం అవసరం.
అంతేకాక, ఇంజిన్ల సాంకేతికతను మరింత మెరుగుపరచడం, పైలట్లకు అత్యవసర పరిస్థితుల్లో మరింత శిక్షణ ఇవ్వడం వంటి చర్యలు ఉపయోగకరంగా ఉంటాయి.