విజయ్ పూరీ మూవీ బడ్జెట్ అన్ని కోట్లా..?
TeluguStop.com
యంగ్ హీరో విజయ్ దేవరకొండ పెళ్లిచూపులు సినిమాతో హీరోగా కెరీర్ ను ప్రారంభించి సినిమాసినిమాకు తన మార్కెట్ ను పెంచుకుంటున్న సంగతి తెలిసిందే.
ట్యాక్సీవాలా సినిమా తరువాత విజయ్ హీరోగా నటించిన సినిమాలు ఆశించిన స్థాయిలో ఫలితాన్ని అందుకోకపోయినా విజయ్ కు క్రేజ్ ఏ మాత్రం తగ్గలేదు.
అర్జున్ రెడ్డి, గీతా గోవిందం సినిమాల విజయాలు విజయ్ మార్కెట్ ను పెంచడంతో పాటు నటుడిగా విజయ్ కు మంచి పేరును తెచ్చిపెట్టాయి.
విజయ్ పూరీ జగన్నాథ్ కాంబినేషన్ లో లైగర్ సినిమా తెరకెక్కుతుండగా ఈ సినిమా ఫస్ట్ లుక్ నిన్న విడుదలైంది.
ఫస్ట్ లుక్ పోస్టర్ తోనే సినిమాపై భారీగా అంచనాలు పెరగగా ఈ సినిమా బడ్జెట్ 125 కోట్ల రూపాయలని తెలుస్తోంది.
పాన్ ఇండియా మూవీ కావడంతో ఇంత భారీ మొత్తం ఈ సినిమాపై ఖర్చు చేస్తున్నారని సమాచారం.
సినిమాలో విజయ్ ఫైటర్ పాత్రలో కనిపిస్తుండగా ఇంత భారీ బడ్జెట్ సినిమాలో విజయ్ నటించడం ఇదే తొలిసారి.
"""/"/
పూరీ కనెక్ట్స్, ధర్మా ప్రొడక్షన్స్ బ్యానర్లపై ఈ సినిమా తెరకెక్కుతోంది.బాలీవుడ్ ప్రొడ్యూసర్ కరణ్ జోహార్ కూడా ఈ సినిమాకు ఒక నిర్మాతగా వ్యవహరిస్తున్నారు.
పూరీ జగన్నాథ్ భారీ లెవెల్ లో తెరకెక్కిస్తున్న ఈ సినిమాలో బాలీవుడ్ హీరోయిన్ అనన్య పాండే హీరోయిన్ గా నటిస్తున్నారు.
దాదాపు సగం షూటింగ్ ఇప్పటికే పూర్తైందని ఈ ఏడాది సమ్మర్ లో సినిమా విడుదలయ్యే అవకాశాలు ఉన్నాయని తెలుస్తోంది.
ఈ సినిమా ద్వారా విజయ్ దేవరకొండ బాలీవుడ్ ఇండస్ట్రీలో అదృష్టాన్ని పరీక్షించుకోనున్నారు.రమ్యకృష్ణతో పాటు పలువురు ప్రముఖ నటులు ఈ సినిమాలో నటించనున్నారు.
ప్రభాస్ మినహా బాలీవుడ్ ఇండస్ట్రీలో ఎంట్రీ ఇచ్చిన మిగతా హీరోలు ఎవరూ సక్సెస్ కాలేదు.
విజయ్ లైగర్ సినిమాతో బాలీవుడ్ లో హీరోగా సక్సెస్ అవుతారో లేదో చూడాల్సి ఉంది.
వైరల్: ఇటువంటి సాహసం మీ వల్ల కానేకాదు సుమీ!