మాస్టర్ హక్కులతో విజిల్ వేస్తున్న నిర్మాత
TeluguStop.com
తమిళ స్టార్ హీరో విజయ్ నటించిన రీసెంట్ మూవీ ‘విజిల్’ తమిళంలో ఎంతపెద్ద హిట్ అయ్యిందో తెలుగులోనూ అంతే హిట్ అయ్యింది.
అంతకు ముందే తెలుగులో తనకంటూ మార్కెట్ క్రియేట్ చేసుకున్న విజయ్, విజిల్ సినిమాతో ఆ మార్కెట్‌ను మరింత పెంచుకున్నాడు.
ఇక ఇప్పుడు తన నెక్ట్స్ ప్రాజెక్ట్‌ను కూడా రెడీ చేస్తున్న విజయ్, ఆ సినిమాకు తెలుగులో ‘మాస్టర్’ అనే టైటిల్‌ను ఫిక్స్ చేశారు.
ఈ సినిమాతో విజయ్ మరోసారి తన సత్తాను చాటాలని చూస్తున్నాడు.ఈ సినిమాతో తమిళంతో పాటు తెలుగులోనూ మరో బ్లాక్‌బస్టర్ హిట్ కొట్టాలని చూస్తున్నాడు విజయ్.
ఆయన నటించిన విజిల్ సినిమాను తెలుగులో రిలీజ్ చేసిన ఈస్ట్ కోస్ట్ ప్రొడక్షన్ వారు మాస్టర్ సినిమా తెలుగు హక్కులను కూడా చేజిక్కించుకున్నారు.
ఈ విషయాన్ని చిత్ర యూనిట్ అఫీషియల్‌గా అనౌన్స్ చేశారు.కాగా ఇటీవల ఖైదీ సినిమాతో కార్తీకి బంపర్ హిట్ అందించిన లోకేష్ కనకరాజ్ విజయ్‌తో మాస్టర్ చిత్రాన్ని తెరకెక్కి్స్తున్నాడు.
ఈ సినిమాలో మాళవికా మోహనన్ హీరోయిన్‌గా నటిస్తోంది.మరి ఈ సినిమా ఎలాంటి విజయాన్ని అందుకుంటుందో చూడాలి.
ఓటు వేయని జ్యోతిక… ఏకిపారేసిన నటి కస్తూరి శంకర్?