వీడియో: దొంగతో వీరోచితంగా పోరాడిన యువతి.. చివరికి ఏమైందంటే..
TeluguStop.com
ఈ రోజుల్లో దొంగలు ఎక్కువగా ఆడవారు లేదా ముసలి వారిపై దాడులు చేస్తూ వారి నుంచి విలువైన వస్తువులను దోచుకెళ్తున్నారు.
ఎవరూ లేని వీధుల్లో ఒంటరిగా మహిళలు కనిపిస్తే చాలు ఈ దొంగలు రెచ్చిపోతున్నారు.
వారి మొబైల్ ఫోన్ లేదా హ్యాండ్ బ్యాగ్స్‌ లాకెళ్తున్నారు.అయితే తాజాగా ఇలాంటి ఓ సిచువేషన్ ఒక యువతికి ఎదురయ్యింది.
అయితే ఆ యువతి అందరిలాగా భయపడిపోలేదు.అతడితో ఆ అమ్మాయి వీరోచితంగా పోరాడి దొంగకి ముచ్చెమటలు పట్టించింది.
చివరికి అతడు తోక ముడిచి అక్కడి నుంచి పరారయ్యాడు.దీనికి సంబంధించిన వీడియో ఇప్పుడు సోషల్ మీడియాలో వైరల్‌గా మారింది.
ఢిల్లీలో సెప్టెంబర్ 4న రాత్రిపూట 11 గంటల 30 నిమిషాల ప్రాంతంలో ఈ ఘటన చోటు చేసుకుంది.
వివరాల్లోకి వెళితే.టిక్రీ ప్రాంతానికి చెందిన ఒక యువతి తాజ్‌పూర్ పహారీలోని తన ఫ్రెండ్ ఇంటి నుంచి ఇంటికి బయలు దేరింది.
ఆ సమయంలో ఆమె ఢిల్లీలోని బాదర్పూర్ ప్రాంతంలో నడుచుకుంటూ వెళుతోంది.అయితే ఆ ప్రాంతంలో ఎవరూ లేరు.
దాంతో అటువైపు నుంచి వెళ్తున్న ఓ దొంగ యువతిని దోచుకోవాలని అనుకున్నాడు.మొదటిగా అతడి కన్ను ఆ యువతి చేతిలోని మొబైల్ ఫోన్‌పై పడింది.
దాంతో అతడు ఆమె చేతిలోని ఫోన్ గుంజుకుని పరిగెత్తడానికి ప్రయత్నించాడు.ఈ క్రమంలోనే ఏ మాత్రం భయపడకుండా ఆ యువతి ఆ దొంగ టీ-షర్ట్‌ను గట్టిగా పట్టుకుంది.
"""/" /
ఆ పట్టును విడిపించుకోవడానికి అతడు బాగా ప్రయత్నించాడు కానీ అది కుదరలేదు.
దాంతో ఫోన్ కింద పడేసి మరీ అతను తన గల్లాను విడిపించుకోవడానికి శతవిధాల ప్రయత్నించాడు.
చివరికి ఆ యువతి వదిలేయడంతో బతుకుజీవుడా అంటూ అక్కడి నుంచి పారిపోయాడు.ఆ తర్వాత కింద పడిన ఆ మొబైల్‌ను ఆ యువతి తీసుకొని అక్కడి నుంచి వెళ్ళిపోయింది.
ఈ దృశ్యాలన్నీ సమీపంలోని సీసీటీవీ కెమెరాలలో రికార్డయ్యాయి.కాగా ఈ వీడియో క్లిప్ ఇప్పుడు సోషల్ మీడియాలో ప్రత్యక్షమయ్యి వైరల్ గా మారింది.
దీనిని పోలీసులు కూడా చూసారు.సుమోటోగా కేసు నమోదు చేసుకొని ఆ దొంగను పట్టుకునేందుకు గాలింపు చర్యలు చేపట్టారు.
రీల్స్ పిచ్చి తగలయ్య.. బైక్ పై మరో బైక్ ఉంచి యువకుల సాహసాలు..