బండి సంజయ్ వ్యాఖ్యలను తీవ్రంగా ఖండించిన అర్బన్ జెడ్పిటిసి మ్యాకల రవి
TeluguStop.com
ఎమ్మెల్సీ కవితపై బిజెపి రాష్ట్ర అధ్యక్షులు కరీంనగర్ పార్లమెంట్ సభ్యులు బండి సంజయ్ చేసిన అనుచిత వ్యాఖ్యలు రాష్ట్రవ్యాప్తంగా తీవ్ర దుమారం రేపుతున్నాయి.
రాష్ట్రవ్యాప్తంగా ఎక్కడికక్కడ బండి సంజయ్ దిష్టిబొమ్మలను దగ్ధం చేస్తూ బండి సంజయ్ ఖబర్దార్ అంటూ నిరసన వ్యక్తం చేస్తున్నారు.
రాజన్న సిరిసిల్ల జిల్లా వేములవాడ అర్బన్ మండల బీఆర్ఎస్ పార్టీ నాయకులు స్థానిక జెడ్పిటిసి మ్యాకల రవి ఆధ్వర్యంలో నంది కమాన్ వద్ద బండి సంజయ్ దిష్టిబొమ్మను దగ్ధం చేశారు.
లిక్కర్ స్కామ్ లో అరెస్టు చేయకపోతే ముద్దు పెట్టుకుంటారా అంటూ కవితను ఉద్దేశించి బండి సంజయ్ చేసిన వ్యాఖ్యలను తీవ్రంగా ఖండిస్తున్నామని ఒక ఆడపడుచును అగౌరపరచడం ఎంతవరకు సమంజసమని ఆయన వ్యాఖ్యలను తీవ్రంగా ఖండిస్తున్నామని మ్యాకల రవి విమర్శలు వ్యక్తం చేశారు.
బండి సంజయ్ చేసిన వ్యాఖ్యలను వెంటనే ఉపసంహరించుకోవాలని ఎమ్మెల్సీ కవితకు క్షమాపణలు చెప్పాలని డిమాండ్ చేశారు.
లేకుంటే పెద్ద ఎత్తున ఆందోళన కార్యక్రమాలు చేస్తామని ఆయన హెచ్చరించారు.ఈ కార్యక్రమంలో అర్బన్ ఎంపీపీ బూర వజ్రమ్మా బాబు, పార్టీ మండల అధ్యక్షులు ఊరెడ్డి ప్రవీణ్, వివిధ గ్రామాల సర్పంచులు, ఎంపీటీసీలు బీఆర్ఎస్ నాయకులు కార్యకర్తలు పెద్ద సంఖ్యలో పాల్గొన్నారు.
వృద్ధురాలే కానీ బ్రెడ్ పకోడీలు ఎంత ఫాస్ట్‌గా చేస్తుందో చూస్తే..??