Nandi Awards, : నంది అవార్డులపై వాణిజ్య మండలి కీలక ప్రకటన.. ఏపీకి మాత్రమే పేటెంట్ ఉందంటూ?
TeluguStop.com
తాజాగా నంది అవార్డులపై ( Nandi Awards )తెలుగు చలన చిత్ర వాణిజ్య మండలి ఒక కీలక ప్రకటన చేసింది.
కాగా ఈ ఏడాది సెప్టెంబర్‌ 24న దుబాయ్‌లో జరిగే నంది అవార్డ్‌ వేడుకకు ఫిల్మ్‌ ఛాంబర్‌కు ఎలాంటి సంబంధం లేదు అని తెలిపింది.
దుబాయ్‌లో జరిగే నంది అవార్డుల వేడుక రామకృష్ణ గౌడ్‌ వ్యక్తిగతమని వెల్లడించింది.తెలుగు చలన చిత్ర వాణిజ్య మండలి, తెలంగాణ చలన చిత్ర వాణిజ్య మండలి ఏపీ స్టేట్ ఫిల్మ్‌ డెవలపమెంట్‌ కార్పొరేషన్‌ ల వద్ద టీఎఫీసీసీ నంది అవార్డుల వేడుకకు సంబంధించి ఎలాంటి సమాచారం లేదని అన్నారు.
అలాగే ఆ ఈవెంట్‌కు సంబందించి ఎటువంటి సమాచారం లేదని తాజాగా ఒక ప్రకటనను కూడా విడుదల చేశారు.
"""/" /
తెలుగు ఫిల్మ్‌ ఛాంబర్‌ ఆఫ్‌ కామర్స్‌ తెలుగు ఫిల్మ్‌ ఇండస్ట్రీకి మాతృసంస్థ, తెలుగు ఫిల్మ్‌ ఛాంబర్‌ ఆఫ్‌ కామర్స్‌ , తెలంగాణ స్టేట్ ఫిల్మ్‌ ఛాంబర్‌ ఆఫ్‌ కామర్స్‌ మాత్రమే తెలుగు రాష్ట్ర ప్రభుత్వాల గుర్తించబడిన సంస్థలు అని మరోసారి తెలియజేస్తున్నట్టు తెలిపారు.
ఈ సందర్భంగా వాణిజ్యమండలి ఈ విషయంపై స్పందిస్తూ.ముఖ్యంగా తెలియజేయడం ఏమనగా.
24-09-2023న దుబాయ్‌లో నిర్వహించే టీఎఫ్‌సీసీ నంది అవార్డుల గురించి పైన తెలియచేసిన రెండు ఛాంబర్‌లకు ఎలాంటి సంబంధం లేదు.
ఈ ఈవెంట్‌లో మేం భాగం వహించము.ఇది తెలంగాణ ఫిల్మ్‌ ఛాంబర్‌ ఆఫ్‌ కామర్స్‌ చైర్మన్‌ పి.
రామకృష్ణ గౌడ్‌ నిర్వహించే వ్యక్తిగత ప్రైవేట్‌ ఈవెంట్‌. """/" /
ఇది తెలంగాణ ప్రభుత్వంచే గుర్తింపు పొందిన ఛాంబర్‌ కాదు.
నంది అవార్డు అనేది ఆంధ్రప్రదేశ్ రాష్ట్రానికి పేటెంట్ అయినందున, నంది అనే పేరును ఉపయోగించడం, అవార్డు వేడుక నిర్వహించడాన్ని తెలుగు ఫిల్మ్‌ ఛాంబర్‌, తెలంగాణ ఫిల్మ్‌ ఛాంబర్‌ అభ్యంతరం వ్యక్తం చేస్తూ ఖండిస్తున్నామని అన్నారు.
ఏపీ సినిమాటో గ్రఫీ మంత్రిత్వ శాఖ, తెలంగాణ ఫిల్మ్‌ డెవలప్‌మెంట్‌ కార్పొరేషన్‌ల వద్ద టీఎఫ్‌సీసీ నంది అవార్డుల ఈవెంట్‌కు సంబంధించి ఎలాంటి సమాచారం లేదని అందరికీ తెలియజేస్తున్నాం అంటూ తెలుగు ఫిల్మ్‌ ఛాంబర్‌ ఆఫ్‌ కామర్స్‌ గౌరవ కార్యదర్శి కె.
ఎల్‌.దామోదర్‌ ప్రసాద్‌, తెలంగాణ ఫిల్మ్‌ ఛాంబర్‌ కార్యదర్శి కె.
అనుపమ్‌ రెడ్డి ప్రకటనలో తెలిపారు.
డాకు మహారాజ్ ప్రమోషన్స్ విషయంలో అసంతృప్తిలో అభిమానులు.. రికార్డులు క్రియేటవుతాయా?