భువనగిరి మండల పరిధిలోని బొల్లెపల్లిలో ఉద్రిక్తం…!
TeluguStop.com
యాదాద్రి-భువనగిరి జిల్లా:భువనగిరి మండల పరిధిలోని బొల్లెపల్లి రైతు వేదికలో శనివారం నిర్వహించిన తెలంగాణ అవతరణ దశాబ్ది ఉత్సవాలను కాంగ్రెస్ జిల్లా అధ్యక్షుడు,భువనగిరి నియోజక ఇన్‌చార్జి కుంభం అనిల్ కుమార్ రెడ్డి( Anil Kumar Reddy ) అధ్వర్యంలో కాంగ్రెస్ శ్రేణులు అడ్డుకున్నారు.
రెండు నెలలు గడుస్తున్నా రైతుల నుంచి ధాన్యం కొనుగోలు చేయకుండా సంబరాలు ఎందుకంటూ అనీల్ కుమార్ రెడ్డి కాంగ్రెస్ కార్యకర్తలతో కలిసి రాష్ట్ర ఆయిల్ ఫెడ్ చైర్మన్ కంచర్ల రామకృష్ణారెడ్డిని నిలదీశారు.
రైతులు ఆకలితో అలమటిస్తుంటే మీరు సంబరాలు చేస్తారా అంటూ రైతు సమస్యలను ప్రస్తావిస్తూ వాగ్వాదానికి దిగారు.
రీజనల్ రింగ్ రోడ్డు భూ నిర్వాసిత రైతులపై కేసులు పెట్టి జైలు పాలు చేసిన మీ పార్టీకి రైతు ఉత్సవాన్ని నిర్వహించే అర్హత లేదంటూ ఆగ్రహం వ్యక్తం చేశారు.
దీనితో బీఆర్ఎస్,కాంగ్రెస్ పార్టీ వర్గీయుల మధ్య తీవ్రస్థాయిలో వాగ్వావాదం పెరిగి,ఇరు వర్గాల మధ్య తోపులాట జ‌రిగింది.
రైతు వేదికలోని కుర్చీలను ఒకరిపై ఒకరు విసిరేసుకావడంతో పరిస్థితి ఉద్రిక్తంగా మారింది.పోలీసులు రంగ ప్రవేశం చేసి ఇరు వర్గాలను నియంత్రించారు.
కానీ, సమావేశంలో జ‌రిగిన రభసతో రైతు ఉత్సవ కార్యక్రమం అర్ధాంతరంగా ఆగిపోయింది.
మొటిమల నుంచి పొడి చర్మం వరకు కలబందతో ఎన్ని సమస్యలకు చెక్ పెట్టవచ్చో తెలుసా?