క్వీన్ సౌత్ రీమేక్స్ అన్ని కూడా ఓటీటీలోనే
బాలీవుడ్ లో కంగనా రనౌత్ లీడ్ రోల్ లో తెరకెక్కి సూపర్ హిట్ అయిన మూవీ క్వీన్.
ఈ సినిమా తర్వాత కంగనా ఇమేజ్ ఒక్కసారిగా మారిపోయింది.ఆమెకి హీరోల స్థాయిలో స్టార్ ఇమేజ్ ని ఈ సినిమా తీసుకొచ్చింది.
వంద కోట్లకి పైగా ఆ సినిమా అప్పట్లో కలెక్ట్ చేసింది.ఇక ఈ సినిమా కంటెంట్ అద్భుతంగా ఉండటంతో సౌత్ భాషలలో రీమేక్ రైట్స్ ని ఓ బడా నిర్మాత సొంతం చేసుకున్నాడు.
ఇక నాలుగు భాషలలో నలుగురు హీరోయిన్స్ ని తీసుకొని ముగ్గురు దర్శకులతో ఈ సినిమాని తెరకెక్కించారు.
తెలుగులో తమన్నా, తమిళంలో కాజల్ అగర్వాల్, కన్నడంలో పారుల్ యాదవ్, మలయాళంలో మంజిమా మోహన్ ఇందులో టైటిల్ రోల్స్ పోషించారు.
ఇక ఈ సినిమా షూటింగ్ గత ఏడాదే కంప్లీట్ అయిపోయింది.ఆ తరువాత ట్రైలర్స్ కూడా రిలీజ్ అయ్యాయి.
అన్ని భాషలలో ట్రైలర్స్ కి మంచి రెస్పాన్స్ వచ్చింది.అయితే అనేక బాలారిష్టాలు దాటుకొని రిలీజ్ కి రెడీ అయిన ఈ సినిమా తరువాత ఎందుకనో రిలీజ్ కాలేదు.
ఇక ఈ సినిమాలో నటించిన హీరోయిన్స్ కూడా పూర్తిగా దాని గురించి మరిచిపోయారు.
దర్శకులు కూడా పక్కన పెట్టేసారు.ఇక కోట్ల రూపాయిలు పెట్టి సినిమా తీసిన నిర్మాత కూడా ఎందుకనో సినిమాల గురించి అప్డేట్ అయితే ఇవ్వలేదు.
తాజాగా ఈ క్వీన్ రీమేక్ గా సినిమాలని నేరుగా ఒటీటీలో రిలీజ్ చేయడానికి నిర్మాత ప్లాన్ చేసుకుంటున్నట్లు తెలుస్తుంది.
ఇక ఈ సినిమాలని థియేటర్ లో రిలీజ్ చేయలేనని చేతులు ఎత్తేసిన అతను ఓటీటీ చలవతో మరల డిజిటల్ లో రిలీజ్ చేసి పెట్టిన పెట్టుబడిలో కొంత వరకైనా రాబట్టుకుంటే చాలు అనే ఆలోచనతో ఉన్నట్లు చెప్పుకుంటున్నారు.
ప్రముఖ ఓటీటీ చానల్ ఈ సినిమా రిలీజ్ కోసం సంప్రదిస్తున్నట్లు తెలుస్తుంది.
మరి దీనికి సంబందించిన అఫీషియల్ కన్ఫర్మేషన్ త్వరలో ప్రకటించే అవకాశం ఉందని సమాచారం.
