క్రాక్ షూటింగ్ తిరిగి ప్రారంభించిన రవితేజ
TeluguStop.com
మాస్ రాజా రవితేజ నటిస్తున్న లేటెస్ట్ మూవీ క్రాక్ ఎప్పుడో షూటింగ్ మొదలుపెట్టుకుంది.
దర్శకుడు గోపీచంద్ మలినేని డైరెక్షన్‌లో తెరకెక్కుతున్న ఈ సినిమాను తొలుత వేసవి కానుకగా రిలీజ్ చేయాలని చిత్ర యూనిట్ భావించింది.
అయితే కరోనా వైరస్ నేపథ్యంలో ఈ సినిమా రిలీజ్ వాయిదా పడింది.దీంతో ఈ సినిమా ఎప్పుడు రిలీజ్ అవుతుందా అని అందరూ ఆసక్తిగా చూస్తున్నారు.
కాగా ఈ సినిమాతో రవితేజ ఎలాగైనా సక్సెస్ ట్రాక్ ఎక్కాలని కసిగా ఉన్నాడు.
అయితే చివరిదశ షూటింగ్‌ను వాయిదా వేసుకున్న క్రాక్ చిత్రం, తాజాగా తిరిగి షూటింగ్‌ను ప్రారంభించుకుంది.
ఈ సినిమాలో రవితేజ పవర్‌ఫుల్ పోలీస్ ఆఫీసర్ పాత్రలో నటిస్తున్నాడు.ఇక ఈ సినిమా కథ పూర్తిగా యాక్షన్ జోనర్‌కు చెందినట్లు చిత్ర పోస్టర్స్, టీజర్లు చూస్తే తెలుస్తోంది.
ఇక ఈ సినిమాలో రవితేజ పర్ఫార్మెన్స్ పీక్స్‌లో ఉండబోతున్నట్లు చిత్ర యూనిట్ ధీమా వ్యక్తం చేస్తోంది.
కాగా ఈ సినిమాలో ఆయన పోలీస్ ఆఫీసర్‌గా చేసే యాక్షన్ స్టంట్స్‌కు ప్రేక్షకులు ఫిదా కావడం ఖాయమని చిత్ర యూనిట్ అంటోంది.
ఇక ఈ సినిమాలో రవితేజ సరసన అందాల భామ శృతి హాసన్ హీరోయిన్‌గా నటిస్తోంది.
ఈ మధ్యకాలంలో రవితేజ నుండి సరైన మాస్ మసాలా చిత్రం రాలేదని, క్రాక్ చిత్రం ఆ లోటును భర్తీ చేస్తుందని చిత్ర యూనిట్ ధీమా వ్యక్తం చేస్తోంది.
ఇక ఈ సినిమాలో తమిళ నటుడు సముథ్రికరన్, వరలక్ష్మీ శరత్ కుమార్ లాంటి నటులు కూడా ఉండటంతో ఈ సినిమా ఎలా ఉంటుందో చూడాలి అంటున్నారు ఫ్యాన్స్.
కాగా ఈ సినిమా షూటింగ్‌ను వీలైనంత త్వరగా పూర్తి చేసి రిలీజ్ చేయాలని చిత్ర యూనిట్ భావిస్తోంది.
అయితే ఎంత త్వరగా షూటింగ్ పూర్తి చేసినా, సినిమా సంక్రాంతి బరిలో రిలీజ్ కావడం ఖాయమని చిత్ర వర్గాలు అంటున్నాయి.
మహేష్ బాబు ప్రియాంక చోప్రాలతో సైలెంట్ గా వర్క్ షాప్ కండెక్ట్ చేస్తున్న రాజమౌళి…