మేఘా హవాలా ఆపరేషన్‌పై ఆదాబ్‌ హైదరాబాద్‌ సంచలన కథనం
మేఘా ఇంజినీరింగ్‌ సంస్థ తెలుసు కదా.రెండు తెలుగు రాష్ట్రాలకు ఇద్దరు ముఖ్యమంత్రులు ఉన్నా కూడా.
ఆ ఇద్దరికీ బాగా కావాల్సిన వ్యక్తి ఈ మేఘా సంస్థ ఓనర్‌ కృష్ణారెడ్డి.
ఇటు తెలంగాణలో కాళేశ్వరం, అటు ఏపీలో పోలవరంలాంటి కీలక ప్రాజెక్టులను చేజిక్కించుకున్నారు.అయితే ఈ మేఘా కృష్ణారెడ్డిపై ఇప్పటికే ఎన్నో ఆరోపణలు ఉండగా.
ఆదాబ్‌ హైదరాబాద్‌ అనే పత్రిక అయితే ఈయన ఏకంగా హవాలా రాకెట్‌ నడిపినట్లు ఓ సంచలన కథనం ప్రచురించింది.
ఎన్నికల సమయంలో పార్టీలకు విరాళాలు ఇవ్వడానికి బ్లాక్‌మనీని వైట్‌గా మార్చుకోవడానికి కొందరికి మేఘా సహకరించిందన్నది ఆ పత్రిక ఆరోపణ.
సుమారు రూ.3300 కోట్ల బ్లాక్‌మనీని ఇలా వైట్‌గా మార్చారని చెబుతోంది.
ఎన్నికల వేళ పన్నులు ఎగ్గొట్టి నల్లధనాన్ని సమకూర్చుకున్న వారికి మేఘా తన సిండికేట్‌ సంస్థల ద్వారా సహకరించిందని ఆదాబ్‌ హైదరాబాద్‌ ఆరోపిస్తోంది.
V ""img Src="https://telugustop!--com/wp-content/uploads/2019/12/Aadab-Hyderabad-On-Mega-Engineering-Company-From-Hyderabad-ఆదాబ్‌-హైదరాబాద్‌-సంచలన-కథనం!--jpg"/తన వ్యాపారానికి సహకరించే సిమెంటు, ఐరన్‌ కంపెనీల దగ్గర సదరు వ్యక్తులు భారీగా సిమెంట్, ఐరన్‌ కొన్నట్లు దొంగ బిల్లులు సృష్టించారని, వంద కోట్లకు బిల్లు ఇస్తే ఆ కంపెనీలకు కమీషన్‌ రూపంలో రూ.
2 కోట్లు ఇచ్చారని ఆ పత్రిక వెల్లడించింది.ఈ కమీషన్‌కు కక్కుర్తి పడిన కంపెనీలు ఇలా భారీగా దొంగ బిల్లులు సృష్టించాయి.
ఆ వ్యక్తులు తమ నల్లధనాన్ని తెల్లగా మార్చుకొని పార్టీలకు విరాళాలు ఇచ్చారు.అయితే ఈ విషయం ఐటీ అధికారులకు తెలియడంతో ఇప్పుడా కంపెనీలకు నోటీసులు అందాయి.
ఆ బిల్లులకు 18 శాతం జీఎస్టీ చెల్లించాలన్నది వాటి సారాంశం.అప్పుటు రెండు శాతం కమీషన్‌ కోసం దొంగ బిల్లులు సృష్టిస్తే ఇప్పుడు 18 శాతం జీఎస్టీ చెల్లించుకోవాల్సి వస్తోందని వాళ్లు లబోదిబోమంటున్నట్లు ఆదాబ్‌ హైదరాబాద్‌ పత్రిక తన కథనంలో తెలిపింది.
ఈ హవాలా రాకెట్‌కు కారణమైన మేఘా సంస్థ తప్పించుకోగా.కమీషన్‌ కోసం కక్కుర్తి పడిన కంపెనీలు మాత్రం బకరాలయ్యాయని ఆ పత్రిక చెబుతోంది.
అంతేకాదు వరుసగా ఇలాంటి పరిశోధనాత్మక కథనాలు ప్రచురించనున్నట్లు కూడా ఆ పత్రిక వెల్లడించింది.