విరూపాక్ష డైరెక్టర్ తో నాగచైతన్య కొత్త సినిమా.. వైరల్ అవుతున్న పోస్టర్!
TeluguStop.com
సినీ నటుడు నాగచైతన్య ( Nagachaitanya ) నేడు పుట్టినరోజు( Birthday ) వేడుకలను జరుపుకుంటున్నారు.
ఈ తరుణంలోనే ఈయన నటిస్తున్న తండేల్ సినిమా( Thandel Movie) నుంచి ఆసక్తికరమైన పోస్టర్ విడుదల చేశారు.
అదేవిధంగా నాగచైతన్య కొత్త సినిమాలకు సంబంధించి కీలక అప్డేట్ కూడా విడుదల చేశారు.
ప్రస్తుతం నాగచైతన్య గీత ఆర్ట్స్ బ్యానర్ లో చందు మొండేటి దర్శకత్వంలో తండేల్ అనే సినిమాలో నటిస్తున్న విషయం తెలిసిందే.
ఈ సినిమా ఓ జాలరి నిజ జీవిత కథ ఆధారంగా ప్రేక్షకుల ముందుకు రాబోతుంది.
ఇక ఈ సినిమా ఫిబ్రవరి ఏడో తేదీ విడుదలకు సిద్ధమైంది. """/" /
ఇప్పటివరకు నాగచైతన్య సినీ కెరియర్ లోనే అత్యంత భారీ బడ్జెట్ సినిమాగా ఈ చిత్రం పాన్ ఇండియా స్థాయిలో ప్రేక్షకుల ముందుకు రాబోతుంది.
ఈ సినిమాలో నాగచైతన్య సరసన సాయి పల్లవి ( Sai Pallavi ) హీరోయిన్గా నటించారు.
దీంతో ఈ సినిమాపై ఇప్పటికే భారీ స్థాయిలో అంచనాలు ఏర్పడ్డాయి.ఇక ఈ సినిమా తర్వాత నాగచైతన్య తన తదుపరి చిత్రం విరూపాక్ష సినిమా దర్శకుడు కార్తీ దండు ( Karthi Dandu ) దర్శకత్వంలో చేయబోతున్నారు.
"""/" /
ఇక నేడు నాగచైతన్య పుట్టినరోజు కావడంతో ఈ కొత్త సినిమాకు సంబంధించిన విషయాన్ని అధికారకంగా వెల్లడించడమే కాకుండా ఈ సినిమాకు సంబంధించి ఫస్ట్ లుక్ పోస్టర్ కూడా విడుదల చేశారు.
ఇలా కార్తీ దండు దర్శకత్వంలో, డైరెక్టర్ సుకుమార్ నిర్మాణ సారథ్యంలో ఈ చిత్రం పాన్ ఇండియా స్థాయిలో తెరకెక్కబోతోందని తెలుస్తుంది.
ఇక ఈ సినిమా నాగచైతన్య కెరియర్లో 24వ సినిమా కావడంతో NC24 అనే వర్కింగ్ టైటిల్ తో ఈ సినిమా పోస్టర్ విడుదల చేశారు.
ప్రస్తుతం ఈ పోస్టర్ సోషల్ మీడియాలో వైరల్ అవుతుంది.తండేల్ సినిమా పనులు పూర్తికాగానే ఈ సినిమా షూటింగ్ పనులు ప్రారంభం కాబోతున్నాయని తెలుస్తోంది.
చైతూ పుట్టినరోజు కావడంతో ఈయనకు అభిమానులు పుట్టినరోజు శుభాకాంక్షలు తెలియజేస్తున్నారు.
వైరల్ వీడియో : ఇలాంటివి తగ్గించుకుంటే మంచిది.. గోడ మీద డాన్స్ చేస్తూ.?